فوق هام السحب ( الشعر الشعبي) على متن القوافي

‏طبيعة الشخص في اخلاقه وفي نبله
‏ان كان تبغى جميل القول ينسب لك

‏انت إجتهد في الكلام الزين واتعب له
‏وتلقى حصيله مع اهل الطيب يرقب لك

.....

‏ليه صوتك يابحر دايم حزين
‏لا أنتفض موجك على الشاطي ومات

‏في ظلام أعماقك أخفيت الونين
‏أسألك بالله ما اتعبك السكات

‏قال يوجعني وداع الراحلين
‏لنثروا عندي دموع الذكريات

.....

‏يامالك قلبي وعيني تراعيك
لبيت قلبي يوم هـاض بغرامك

أحترت من زود الغلا وين اوديك
حتي عيوني ماتليق بمقامك

والله لو صدري يضمك ويحويك
لجعلك فوق القلب تبني خيامك

.....

ماحسدت المطر على مكان النزول
لين بلّل جدايلها وهي ضاحكه

كانت كفوفنا ملامح مْن الذهول
مدري كفوف ولّا ارواح متشابكه

جعل غيمٍ يوسّع خاطرك مايزول
وجعل كل الليالي فيك متباركه

.....

حنا العصاه اللي علىٰ مر الايام
نرسي كما ترسي ثقال الجبالي

اليا خذينا قسمنا خير الاقسام
واليا عطينا ماحسبنا التوالي


الحمدان

الله يمسي كل الأحباب بالخير
ويسعد لياليهم ويسعد مساهم

وياالله يامعبود يارازق الطير
ريح خواطرهم وزود هناهم

اصبحت اصون الود بالبعد واسري
واحفظ لها باقي عهودي ونذري

وانا اللذي بالعهد صوله وجوله
وهي بعد في محتوى القلب تدري

يا قشر فرقاهم وياقشر ساعه
فيها الدقايق يحتويها وداعه

راحت وقالت رحلتي استعدت
كنه على موتي نوا الوقت بدري

.....

سمعت لي كلمةً مدري وش أقصّاها
‏حزتّ بصدري و أنا ماني بهارجها

‏لو كل كلمةً اليّا جتنا طردناها
‏بعنا الثمينة بسعرً ما يخارجها

‏لو مرت السمع ماكنّا سمعناها
‏ونقفل الراس عنها لا يبرمجها

‏ومن يمّ هذا لهذا ما نقلناها
‏والناس واجد وتلقى من يروجها

.....

حاول تعيش بصمت قدر المستطاع
ولاتقيس الناس بالهرج تغدي

اخر من يسولف عن الحرب الشجاع
واكثر من يسولف عن الطيب الردي

.....

خلك غريب وممتلي حلم واسرار
‏حتى طموحك مختلف فاتجاهه

‏عادي تغيب احيان عن كل الأنظار
‏البعد عن بعض الأوادم نقاهه

.....