فوق هام السحب ( الشعر الشعبي) على متن القوافي

‏تغانم الشوق دام القلب تحت امرك
مشاعري فيك ماتشبع إذا جاعت

لا دار وقتك وطوّل ربي بعمرك
عرفت وش قيمة الفرصه ليا ضاعت

.....

هو خايف اني ماعاد ارجع وانا مثله
‏خايف من الرجعه اللي مالها داعي

.....

تبي الكلام الصدق بيني وبينك
‏اسمع معي هالبيت مادمت وياك

‏من باع كل الناس من شان عينك
‏حطه بعينك واجعله نور دنياك

.....

سلم على اللي فاقده ولا فقدني
وقله كثر ماقلت لعيونه اشتقت

محلله عن كل وعدٍ وعدني
ومسامحه عن كل ليله تضايقت

.....

حطو خبر عاجل تراني انا جيت
‏ولا جيت جياتي تنومس قبيله
‏
‏يامتابعي بالخير والورد مسيت
‏وبالشعر وأبيات القصيد الجزيله

.....

‏وش رأيكم في شخص بارد مشاعر
يحمل جنون العشق وأسلوبه الصمت

صحيح هو طيب ويراعي الخواطر
لكنني من صمت بوحه تألمت

.....

نعيش بالقمه وما صابنا صاب
ونقبض شعار العز براحه يدينا

نضحك في الدنيا مع كل الأصحاب
وما ندري الدنيا لنا او علينا

وماهمنا من جاء معانا ومن غاب
فوق السحاب نعيش مهما حيينا

.....

غلاك في روحي ترا صار مزروع
حتى المشاعر ترجمت لك غلاها

انا وقلبي والاحساس إلك طوع
والروح لو راحت من اجلك فداها

.....

‏دايم بدايات المحبه مثيره
ورسايل الجوال تشهد علينا

اول رساله ماهي بمثل الاخيره
تدرجت بشويش لين انتهينا

.....

‏مافيه داعي للزعل والانفعال
‏ومجادل الجاهل وكثر اللجلجه

‏خلك على ماقيل شيّال الثقال
‏ومن يبي يزعجك صمتك يزعجه

.....