فوق هام السحب ( الشعر الشعبي) على متن القوافي

‏الله يسعد لي مساك ودنياك
‏وجعل الفرح يبقى ويملا حياتك

‏حتى المساء اللي اعيشه بلياك
‏صرت أتنفس فيه من ذكرياتك

.....

‏سايق ركاب الدعاوي على باب الكريم
‏طامع ٍ في مد جوده وستره والغناه

.....

كلن بهذا الزمان يقول أنا الطيب
‏والطيب اللي يفك الناس من شره

....

ودي اكتب والقلم عيا يطيع
ما ادري الأشواق والا انت السبب

كيف اعبر والحكي مني يضيع
اسعفيني يا قواميس العرب

.....

‏ماني مبشّر بالعوض وأنت موجود
‏أنت الأصل جعل الأصل ما يبدّل

.....

‏عسى الله يجمّلني مع الطيبين بالطيب
‏وعسى من هقى فيني اجي فوق هقواته

.....

​تركتني للغياب وضيقة انفاسي
حتى الفرح في حياتي طافي سراجه

خذيت مني خفوقي واجمل احساسي
خليت لي ويش ماخليت لي حاجه

.....

أختار سمحات الدروب النظيفه
‏اللّي غسلها رايح المزن برشاش

‏يمشونها قوم النفوس الشريفه
‏اللي ضمايرهم نقيّه كما الشاش

....

‏اجمل هدايا العمر انسان يغليك
واجمل هدايا الحب انسان وافي

روحه رهينه لك وبالعمر يفديك
فيه الوفاء والعهد للحب صافي

.....

تذبحني الغيـره وانـا واثـقن فيـك
واصبر ولا ودي تعرف اش حصل لي

من كثر خوفي زايد الشـوق ياذيـك
صبرت مااحد في عذابي فطـن لـي

بالضحك وحروف القصايـد مسليـك
والنار فـي عقلـي وقلبـي وكلـي

عـز الله انـك هـم لكنـي اغليـك
والله حتـى همكـم جايـز لـي

تشوف شوقٍ في عيونـي يناجيـك
واشـوف بعيونـك عذابـي وغلـي

.....