فوق هام السحب ( الشعر الشعبي) على متن القوافي

‏يهبّ فيني حنين بكل هبّة نسيم
والذكريات القديمه طارفٍ بابها

غشاني الشّوق يا وجهٍ ببالي مقيم
اشتقت لك والمشاعر حثّت ركابها

.....

يالله ياباسط أراضي فسيحه
تعيننا يالله بالعسر واللين

ياكاشف إهموم القلوبزالجريحه
يامن بفضلك كل الأحوال بتزين

.....

‏الكفو لو طاح لايعتذر عذره سمين
لو يمينه فوق راحة يساره طقها

وده إنه يفعل الطيب للناس أجمعين
بس عاد ظروف الأيام تاخذ حقها

......

يافوح صدري فوحة البن لافاح
‏على هروج أهل القلوب النظافي

‏أرتاح لأهل الطيب والعرف وارتاح
‏على الذي قلبه من الغش صافي

.....

الطيّب اللي له التقدير والأعتبار
دايم لرد الجمايل والوفاء ماجحد

واللي جهل قدرنا وراح عكس المسار
يرده الوقت مهمازغاب وإلا ابتعد

.....

‏ترا الصداقه والمحبه والإعجاب
‏ماهي بتوخذ غصب للي يبيها

‏إن كنت مقبول ومعك طيب وأداب
‏تاخذ قلوب أهل آلوفا من يديها

.....

العمر فرصه والحياه إدروس والدنيا متاع
والطيب والمعروف عند اللي تجاهل مافرق

والغالي اللي يبدي إعلومه على زين الطباع
يرحب عددماهلّت إمزونه ومابرقه برق

.....

عودت نفسي ما أتحسف على شي
لأن العمر ما يحتمل للحسايف

بعيش لحظات الفرح دامني حي
وبزرع الضحكه بجرد الشفايف


.....

الذكريات اللي على البال تطري
وش حيلتي لا بعثرت تالي الشوق

صفحاتها ب أيامها وسط صدري
عزآه ياصدر ٍ من الوجد محروق

.....

كل ذكرى ما تجيب إلا الحنين
شوق عيني قاع والغايب سما

وين دربه يا دروب الغانمين
السما تمطر وانا فيني ضما

.....