فوق هام السحب ( الشعر الشعبي) على متن القوافي

اضحك وسولف وابتسم للمخاليق
وخل الامل بين العيون وهدبها

دنياك ماتسوا يجي داخلك ضيق
وايامك اللي ماضيه لاتحسبها

.....

مادريت إنك اوقدت الجحيم
ماخشيت الله ولا خفت الورا

كل غدر فيك من طبع ٍ قديم
ليت قلبي عنك ساهي مادرى

.....

احدن على شانه تجوز المشاريه
واحدن تعدا بالخطايا حدوده

ومن لايعزك لاتعزه وتغليه
ومن لأرفع قدرك تجاهل وجوده

.....

‏ترى الأخ مهما حصل يبقى عضيد
‏وترى عيال العم ماعنهم غناه

‏الناس دايم ماتهاب اللي وحيد
‏اللي ليا منه وقف محدٍ معاه

.....

اللي بقلبـي يختلف عن كلامي
ماكل كيف الحال قصدي به الحال

احيان كيفك تعني القلب ضامي
واحيان وينك تعني البعد قتال

.....

‏رغم الملام اللي بصدري جمعته
لو ترجع وتسأل من تحب قلت أنت

كل ما أرتفع صوت الأذان وسمعته
دعيت ربي يحفظك وين ماكنت

.....

سارق النوم رد النوم لعيوني
السهر في غيابك كيف سوّابي

كان قادر تعيش العمر من دوني
أنا من الشوق ضاقت فيني ثيابي

.....

‏مالي معك حل إلا الصمت والحيره
‏تركت درب العتب من كثر مافيني

‏طبعك تغيّر معاي وصعب تفسيره
‏تجرح شعوري جفا وتقول تغليني

.....

‏ماكل مبدع لازم يكون مشهور
وماكل مشهور بيجي شعره ابداع

وماكل مبدع يملك القاء وحضور
يكفيه يملك شعر الى حد الامتاع

.....

‏بيني وبين النفس حرب وطلايب
‏مرات انا الغالب ومرات مغلوب

‏تمضي حياتي بين مذنب وتايب
‏واللي يريده خالق الناس مكتوب

‏والغيب عند الرب ماهو بغايب
‏لكن عن المخلوق خافي ومحجوب

‏والنفس والشيطان ربع وحبايب
‏بآسبابهم كم واحد راح معطوب

.....