فوق هام السحب ( الشعر الشعبي) على متن القوافي

‏ياخي تبسم في وجيه المخاليق
‏احيان بالبسمه تسوي جماله

‏اليا ابتسمت بوجه من صابه الضيق
‏واوصلت بالبسمه لقلبه رساله

‏لابد للأحلام في يوم تحقيق
‏ولا بد للصعبه تعود سهاله

.....

ياضيقة الصدر بالله لو تفكيني
مافي حيل ٍ على الهوجاس والضيقه

ادخل على الله ماجاني يكفيني
حتى الصبر فيّ بأسبابك نشف ريقه

الفقد محرق خفوقي ومسهر عيني
وصار العبث بالمشاعر سهل تحقيقه

واليوم لى هبت النسمه تبكيني
أطلال وذكرى وفقد ٍ تم توثيقه

.....

الطير يرحل لو غدا ضايق البال
يفرد جناحه فوق همه ويرحل

وانا حظوظي تنتظر طير رحال
الهم طوقي وراعي الهم ينحل

.....

ماحدن على الدنيا من الناس مرتاح
كلن بصدره ضيق واحزان وهموم

يالله عسى الضيقة تبدل بالافراح
وطير السعادة بالسماء يدرج الحوم

.....

يابعد من مابعد جاء ومن عدا
‏ويابعد من ساج روض الحشا نشره

‏يوم صار الحب جزيه ولك تـدا
‏والقصيد اسهل من كتابته نشره

‏خذ قصيدي ياشذا الورد لاندا
‏وانتبه لي واستمع موجز النشره

‏والله انك بالغلا فارق جدا
‏مثل فرق الابتسامه عن الكشره

.....

مثل من يحجب بيده عن عيونه شعاع النور
‏انا وشلون بنفي فقدك وتأثيره وجوره

‏فقدتك كني أول من فقد غالي وعاش الدور
‏ولا احدٍ قد فقد غالي قبله ويفهم شعوره

‏عبث تحضن خطاوي الدروب ودمعي المنثور
‏تطلّعه ابتسامات الرضا والحب من طوره

‏كأني وان عرفت سرور قبلك ماعرفت سرور
‏او إن القلب زهّده الحزن واستكثر سروره
‏
‏اشوفك كل ماغنى على غصن الشجر عصفور
‏ولا عاد الشجر نفسه ولا غصنه وعصفوره
‏
‏يمر بعيني اشهغŒ ماخلق ربي بدون شعور
‏صحيح إن القلوب جنود منهيّه ومأمورة

‏حبيبي مابقغŒ دافع وسط بالي ولا لي دور
‏والارض اصلا كذا ولا كذا بالناس معموره

‏انا لو ذكرياتك ماتعمّر بالي المهجور
‏تعدّته الطواري من فزعها وانهدم سوره

‏على وجهك تحاسيف الزمان وصوتي المكسور
‏ياضيعة جرة انسامه من الصدر ومن كسوره

‏تركت من الجفا قلبٍ يحبك راضي ومجبور
‏ولا ملّله طول البعد منْك ولا معي شوره

‏عسغŒ الله لا يضيّع لي سنين وجعلني مأجور
‏ولو ماتدمل اعذارك جروح القلب معذوره

‏احسك اقرب من اني اقول انّا ظلال وسور
‏واحس الأرض مادارت بعد عينك ولا دوره

‏ على صوره موقفني حنيني لي ثلاث شهور
‏وعيت لاتدور الأرض مادري عيت الصوره

.....

بِنَت شيخٍ لا يهاب ولا يُضام
‏تعطي الجزله وجزلٍ مدها

‏كايده وقت الفعايل والزحام
‏طيبها من طيب ابوها وجدها

.....

ابتسم للوقت واضحك للحياة
لا يروح العمر في هم ونكد

عيش يومك واحتسب للي وراه
من يعد الوقت يبلش في العدد

.....

ما ذكر للحب قاضي ولا جاء له طبيب
من جرح قلب المعنى يدور له دواه

لابغيت ارتاح واضرب على الدنيا صليب
دق هاجوس الضماير وجاء قلبي عناه

صرت انا والوقت من بين مطلوب وطليب
لاعطيت الوقت وجههي يلقيني قفاه

الليالي شيبت بي قبل وقت المشيب
وعزتي للي يصارع زمانن ما قواه

.....

شيبت بي الدنيا قبل سن المشيب
من غرابيل الحياه وكثر اعكوسها

.....