فوق هام السحب ( الشعر الشعبي) على متن القوافي

أنا ماعطيتك شي عادي عطيتك قلب
‏بعد مادعيت إن الله يجيبك وجابك

‏على إعجابك تقوم المحبّة وينبت حُب
‏ياسبحان من علّق شعوري ورا إعجابك

‏ماجات المحبّة لين شفتك علاج وطب
‏لي أيام وأنا أتابعك وأدخل حسابك

.....

‏أجاهد غيابه والطواري وضيق البال
‏وأردد عسى مايكره خاطري خيره
‏
‏ولـكن غلاه بكل حالٍ من الاحوال
‏عذاب الخفوق الصعب وأجمل مقاديره
‏
‏عليه السلام وخالص الود والاجلال
‏وعلي الهيام أخفيه ويلوح تأثيره

.....

ردّ لي كل السنين الأوّله او رد جوفي
‏طالبك لاتترك أيّامي تشردها القطيعه

‏إن تركت كتاب ضحكاتك على عاتق رفوفي
‏ماقدرت تردّ قلب ٍ جفّف التغرِيب رِيعه

‏أنت نورك يكفي إنه ينسج الضحكه لشوفي
‏والله إنّه أجمل بـواجد من أحداث الطبيعه

.....

ضاقت علي الجهات وحلم عمري كليف
‏واستبسل الضيق لين أوقد بصدري لضى

‏أشعر بغربه من الواقع واحسه مخيف
‏من عقب ماكانت الدنيا بعيني فضى

‏متسربل الخوف بالظلما وعل الرفيف
‏يردني للسعاده مثل رد القضى

‏حصون حلمي تهاوت يالطموح المنيف
‏فالليله اللي نسايمها لهيب الغضى

.....

‏خلوني اوسّع الخاطر بنظم البيوت
واجاوب اللي تنوح وتسجع ابصوتها

فالصدر ضيقة غياب وبعد الاحباب موت
وعيني من اغياب خلّي شايفه موتها

.....

سقت عمري دون وجهك والحزن ولّت سنينه
‏ بين ضحكات الدروب وبين نشوات الهقاوي

‏من عرفتك وأنت محراب الشعور وقبلتينه
‏ يتجّه لك كل حس ويهتدي بك كل غاوي

.....

‏يا أعظم من بقى يلمح بوجهي نوري الوقّاد
‏تعال أسرقني من سُخف الحياة وعالمٍ فاضي

‏على ماتشتهي خذني ولا تشاورني وتنقاد
‏قِدم رجليك لو مهما تودّيني أنا راضي

‏توسّدني وطن لو ماوسع صدرك فضاء وبلاد
‏أنا كل الدروب اللي تخلّت عنك فالماضي

.....

‏ارسم الفرحه على وجهٍ من الآمال خالي
‏والفرح على بساط الحزن حزن بحد ذاته
‏
‏مستحيل ترجّع الدنيا مكانة شخص غالي
‏ساعة إنّه طاح من عيني مثل ساعة وفاته

.....

هلابـك هلا يالنـادر المتـرف الجـذاب
‏ترحـيب قلبـي فيـك من قبـل ترحابـي

‏غلبت الهـوى فتره لكـن الهـوى غـلاب
‏تمـادى ووقـف في طريقـي وأنـا مابـي

‏دخلت فـ حياتي عرض من أوسع الأبواب
‏وأنـا للـحبـايـب مـانـي مـشـرع أبـوابـي

‏عيونك قصيد وبسمتـك تخطف الألباب
‏وكلامك جميل وحكمتك حكمة اعرابـي

.....

‏أستحيت من المشاريه ومعاتب جفاك
‏وأقتنعت إن الغلا مايجي عرض وطلب

‏قلت أصدّ بكل حبي وتعظيمة غلاك
‏قبل أصدّ بقلب عايف وحالٍ منقلب

.....