فوق هام السحب ( الشعر الشعبي) على متن القوافي

لا يصير فعلك مع ربعك بقايا عطر
‏لا هو مجمل ولا هو باقين بالثياب

النفع لاصار ما يقبل سوات المطر
‏الكذب ما جمع الغيمة وسوى سحاب

‏مرات ينهي معاناتك مجرد شطر
‏لا خابت الهقوة اللي ما وراها عتاب

‏ الناس عاشت على خبزة وقصف وخطر
‏ أرزاقها مقسمة من الولي بلا حساب

.....

‏ما يطولوني صغار الهقاوي والظنون
‏عالمٍ ماهي بحولي ولا أنا بحولها

.....

ابلشونا ياهل العرف سودان القلوب
يحسبون صدورنا كل شيٍ تقبله

....

ياصاحب العرف لا تسال عن الماضي
خلك بحاضرك واعط الناس واجبها

لاتستمع في كلام العالم الفاضي
اضبط علاقتك مع ربك وجملها

صالح التون

ياصاحبي ودنا نروح للقاضي
عنده يبين الكفو ويبين مخربها

حنا تعرف الوجيه ونعرف الماضي
من لاخذاها براسه خذ برجليها

الحمدان

يطري علي زولك ويذبحني الشوق
‏ويزيد شوقي لك ويزداد حبك

.....

لاضاقت النفس ومالقيت من يواسيك
صل على النبي واذكر الله وبتنجلي

اصحاب التيه لاصارو بكثره حواليك
تضيع حتى لو انك تذكر الله وتصلي

.....

بعض العرب وصله ينسيك دنياك
‏ويسج بك عن كل هماً تشيله

.....

لك فالغلا قمه ولك فالحشى بيت
مايسكنه غيرك ولو كان غالي

انت الوحيد الي بحبه تماديت
وغيرك بوسط القلب ماله مجالي

.....

لو تلوي الدنيا سواعدنا لوي
ما تدخل السكين بين جنوبنا

.....