فوق هام السحب ( الشعر الشعبي) على متن القوافي

زينها ينتشّي ورد الخزام
هي تشِم العطر والا العطر يشمهَا

ميمي السبيعي

‏شف مكانك في مكانن عن العالم دفين
‏في مكانن من وراء مثل عيدان الجريد

‏مكرمن حبك وله ف الحشا سمن وسمين
‏يقدع من الحال واصبله بن الوريد

‏افتضحت من الهواجيس بك فالمسلمين
‏كل من سولف علي قلت له وش قلت عيد

.....

‏عادتك ما تترك لغيرك مجال
‏يختفون الكل اذا نجمك لمع

‏يضربون بنورك الطاغي مثال
‏منزلك عالي وشانك مرتفع

.....

ياطاغي الأفكار يانبرة الشوق
صمتك مدينه للعيون وهدبها

تربعي فالقلب مامعك مخلوق
كانك وحيده نادره في عربها

.....

الغايب اللي بحبي فاضت شجونه
‏الله يعجل مجيّه والله يعقله

‏تشرب ليال المفارق دمعة عيونه
‏والذكريات الجميلة ماكله عقله

‏الحب حمله على الكذاب يا هونه
‏ولا على اللي يحب بصدق يا ثقله

.....

‏خاطري يستقبل جروح ويودّع جروح
‏والوداع أقسى على القلب من ضرب الرصاص

‏يوم تسبق دمعة العين تكفى لاتروح
‏كنّي إللي يطلب العفو من حكم القصاص

.....

فرشت لك قلب مايملك بدونك قرار
‏يملك معاك أرض شاسعةٍ مساحاتها

‏خليني أسكن عيونك وامنحيني جوار
‏واهديك الأشعار وتصيرين مولاتها

‏للخالـق آيات بالدنيا ومنها النّهار
‏وانتي مابين البنات آيٰه من آياتها

.....

‏أحبّك كثر ما قالوا هَنيك ياخلي البال
‏وأحبّك كثر ما أخفيتك عن رُبوعي وعذالي

‏حفظتك سِر مايظهر على العالم ولا ينقال
‏زرعتك بين تنهيد الضلوع وبين غربالي

‏لك الله مال غيرك فالحَنايا والضمير ظلال
‏أقرب من قريب الخلق وأقرب لي من ظلالي

.....

‏تمنّا من أنصاف المشاكل تجيب أقصاي
‏وأنا أرجع من أكبر مشكله رجعة السّايح

‏لاتتعب تطاول واحدٍ مثلي وشراوي
‏مادام إني أطول من وقوفك وأنا طايح

‏تحسّف على الرايح وتحسب حساب الجاي
‏وأنا ماحسبت حساب للجاي والرايح

.....

‏بعيونك اقرأ شوق ما يشبهه شي
‏وبانفاسك أحيا لو زماني جفاني

‏مشتاق اضمك وأزرع النور والضي
‏بأركان صدري وأعزفك لي أغاني

‏يكفي بوجودك أشعر إني معك حي
‏عطني وصالك عفت دونك زماني

.....