اخترنا لكم

‏من زعلك يا نــــــوم تهجــــر عيوني
المعـــــذره يانـوم لا كنــــت زعلان

خليتنـــــي ساهــــــر اردد لحوني
والناس مرتاحــــه وانا الان سهران

لاشك في موضـــــوع زود جنوني
خــلاك تهجرنــــي ومانا بغلطان

الضيق اضنانــــي وسهر جفوني
يانوم كافـي خاطـري حيل تعبان

.....

إذا جاد السكوت ولا لقيت إلا القصيد أفواه
‏ابكتب لين ما أوراق الدموع تصير مبتلّه

‏ما عدت المستريح اللي طرب ناسه بحلو أحكاه
‏بديت أشعر بأن قلبي بقايا أرض محتله

‏أشوف إن الطموح اللي تمنيته ماعدت أهواه
‏كرهته وأجمل أشيائي عليها الدمع منهلّه

.....

‏ليه توقد من هجيرك جمرةٍ بين المحاني
‏كنّ هذا العمر ناقص خوف وجروحٍ جديده

‏ودّي اسرق من جيوب الوقت ضحكات وأماني
‏ودّي انسف أول الأوجاع في مطلع قصيده

.....

قلوبنا ما تحتمل بُعد الأقراب
‏فيها ما يكفيها من اللي يغيبون
‏
‏من كثر مانسمع عن جروح الأحباب
‏خفنا من الحبّ ومن اللي يحبّون

.....

‏أحبك ولو عادت جميع الوجيه أغراب
‏خذيتك أمان يشرد الخوف من طيبه

‏أشوف الحياه اللي مع الناس ملح وذاب
‏وأشوفك يقينٍ يقطع الشك والريبه

‏أبيع السنين الي بدونك برخص تراب
‏وأساوم على اللحظه معاك أنت باللي به

.....

يثـور فكـري وانفصل عنـك واروح
والقاك في غيـمـة نهاية هـجـوسي

مايختلف في ناظري همس اوبوح
كل الـجهـات الاربعة لـك طقـوسي

احبك امن الـعـام واليـوم بالـروح
واخـذ مـن عـيـونك دفاتر دروسي

.....

نكتم شعور قلوبنا من حيا الروح
دام الأماني بالمحاني كثيرة

أحياناً نطريها على البال وتروح
وأحياناً تطغى بالخفوق وتثيرة

.....

‏يقولون البدو عن العيون
"مغاريف الكلام"
يكذب عليك الإنسان بكلامه
وتفضحه عينه:

يا كثر ما تلزم الصمت وعيونك تنوب
لحظة فيها لسانك رهين الاعتقال
جابر النشيرا

لكن نبي نعطي عيونك زمام الكلام
خل النواعس تقوم وتدلي بدلوها
عبدالله السراهيد

‏لا جاتني الكلمة اللي تجرح شعوري
عرّضتها الرِيح ولا كنّي اسمعها

سعد علوش

خيطت جرحي بالتناسي والاوهام
يفـك خيـط الجـرح لا مـر طيـفه

ياضـيق حال الي بحوسـات الايام
كل من جـبر جـرحه يعاود نزيـفه


.....