فوق هام السحب ( الشعر الشعبي) على متن القوافي

ترى بيني وبين اللي مضى بالذاكره ميلاف
‏وإلين الحين ياخذني شعورٍ من أغانينا
‏ㅤ
‏عرفت إن القدر فرصه سعيده والحياه أعراف
‏لو إن الشوق من كثر البعاد المُرّ يصلينا
‏ㅤ
‏أزورك حلم من خلف الحقيقه والشعور لحاف
‏ما دام إن الوله واقف على سكة هقاوينا

....

‏مابعد عسر الزمان الا تياسيره
‏لو سود الايام تفجعنا حقايقها

‏بنسوقها في رجا اللي مالنا غيره
‏خلاّق الأنفس وكافلها ورازقها

....

أنا فدا وجهك اللي كل ماشوفه
أقول لضيق رح دور على غيري

....

‏الصدور اللي وفاها ملاجي للرفيق
ضيقوها اللي على كل عوجا يقلطون

عزتي للقلب الابيض وللوجه الطليق
لا حداه الله على عالمٍ ما يستحون

....

ياوجد حالي وجد من مات غاليه
عاش الـزمـن مـاله سوا ذكـريــاته

لا أقبل علـيه الليل ثارت طـواريه
وهموم قلبه من عنا الوقت جـاته

....

العقل نعمه والسوالف لهاساس
والشخص يوزن كلمته لانطقها

واللي بيسمع مايقولونه الناس
نفسه بهذا القول حتـماً حرقها

.....

الزين عقب العربيات ينعاف
غيد لهن بالزين ذكره وسيره

فيهن حلا طاغي ولين وتعطاف
وفيهن حنان يشعل القلب غيره

حلوات وصف وفاهمات بالاعراف
زينات منطق صافيات السريره

بنات قوم طيبهم غصب ينشاف
الزين عقب العربيات ينعاف

.....

كل البلاد بها الجميلة والأوصاف
والزين بالحشمة يزيد بريقه

والمرجلة ماهي حكي بس واهداف
الأصل طيب والنوايا عميقه

.....

جيتك وكلي شوق ياعذب الاحساس
اهـيم بـك واهـواك واعيـش ذاتـك

واعيش في روحك على ثوره احساس
وعلى ثرى خـطواتك الروح جـاتـك

....

‏لاتنخدع في بعض الأبيات والبوح
مرات كل اللي نقوله خيالي

نكتب فرح والقلب مرات مجروح
ونكتب حزن مرات والبال خالي

.....