فوق هام السحب ( الشعر الشعبي) على متن القوافي

تعال عانق في مساء الحب روحي
‏خل المسا يرتاح في ضم روحين

‏خليه يزيح الصمت عن صدق بوحي
‏واحكي لك اللي في خفوقي من سنين

.....

تهادى على جفني أمل عن سراب الياس
‏وواعدني أن نوم ظلام المسا جروحي

‏أنا والمدينة والشوارع وصوت الناس
‏تراي اضعف مْن مْواجَه عيونك بروحي

.....

‏هزمت الصبر مرّه وأنهزمت من الصبر مرّات
‏عسى الله لا يذوّقك الشقا اللي عقبك أذوقه

‏ترى أكثر من يحبّك من يبادلك السكات سكات
‏ماهو باللي ليا من طال هرجه زلّ منطوقه

.....

‏ماعاد عندي فرصة تهدر من العمر الثمين
‏واللي بينشده من أسباب الفراق يخبره
‏
‏حيث إنه أول شخص يسقط من عيوني مرتين
‏وأنا عيوني من سقط منها ماعاد تعبره

.....

‏اصعب سؤال فحزّة الضيق وشفيك
خصاً ليا من جاك من شخص غالي

.....

من عقبك الصبر أخذ دور المواسي وأجاد
‏وأنا لو أخذت دور أيوّب ماني نبي

‏أجاهد الشوق بعد غيابك أعظم جهاد
‏أي والله أبيك لكن المراجل تبي

.....

ليتني راجع من الشوق وأنت المنتظر
‏مغترب من شوف وجهك وجيت أناظرك

‏وانتبه تاتي من الشوق ماسك لك زهر
‏كيف تاتي بالزهر والزهر في ناظرك

.....

‏بعتني قبل أتبصر في مشاويرك شفوفي
‏وإلا أنا قلبك لو إنه في يديني كيف أبيعه

‏قرب ركابك وقل لآخرك لامن حب يوفي
‏لاتعلق خاطري في صيفه وتسرق ربيعه

‏جيت من كل الدروب وشدد أيامك نكوفي
‏ماقدرت ألحق هواك وخطوة أيامك سريعة

‏أنت تعرفني وتفهم حزني وتجهل وصوفي
‏يتصنع خاطري نسيانك ويخسر صنيعه

.....

‏مدري لويش ارتاح لحظه اشوفك
وانسى وربي ضيقتي والكئابة

أكتب ورب البيت اعشق حروفك
واعشق معاك الدردشه والكتابه

تدري بشوقي بس اقدر ظروفك
واتجاهلك واتابعك عن كثابه

واضيق يوم انه تجيني طيوفك
واقول يا الله لا تزود غيابه

.....

اتذَّكرك ويطول مشواري على ذيك السنين
‏لين الصباح يسلّم المشتاق لكفوف المسا

‏ماعاد قلبي في رجا بانك تجين او ماتجين
‏اللي تجرّع قسوتك ماعاد يرعبْه القسا

‏واللي تذكّره الحنين أو ماتذكّره الحنين
‏ابرك من اللي ماهو بيذكر ولا هو ينسّا

.....