فوق هام السحب ( الشعر الشعبي) على متن القوافي

‏لك الله كل ما أناظر تفاصيل البشر بارجاي
‏أشوفك في ملامحهم وتزداد الجروح جروح

‏حبيبي دولة أحساسي ذريعة ضحكتي ورضاي
‏تعال وكل ماجاني من صدودك غدا مسموح

‏إذا الماضي عذر هجرك ترى الحاضر عثا بقصاي
‏وإذا ماني باحبك حيل ترى ما للندم مصلوح

.....

المحبة غالية بس المشاعر ما تثمّن
‏والتهوّر في دروب الحب يبغي له جراوة

‏ياحبيبي ودي أسأل لا تخاف أبغى أتطمّن
‏هو غلا ولا كلامك بس من باب الفضاوة

‏خايفٍ أسخي شعوري في دروب الحب ثمّن
‏يطلع الناتج من الأحداث خذلان وقساوة

.....

أنت وحدك تستفزّ الصمّت وتردّ الطواري
‏ما قدرت ألدّ لك تقدير وإلا أصدّ شيمه

‏ما عليّ من الجفاف إن طالت يدينه دياري
‏وين ما لدّيت أشوفك نوض بَرق ووبل غيمه

.....

غلاك ما يمحيه قل الـمواصيل
في كل حزه لك مع البال ميعـاد

.....

سـلام مثل الغيث تحيا بـه القاع
‏يحيي قلوبن مـا تـحـب القطيعه

‏قـلـوب تربطها الاخـوه بالاجماع
‏تتبادل المعروف فـوق الوسيعه

.....

‏قالوا تحبه قلت من قلب حبـيت
‏اعجبني اسلوبه وذوقه عجبني

‏يقطر حنان ومن غرامه تقهويت
‏وجنني احساسه وصوته جذبني

‏لجله كتبت الشعر وبالشعر غنيت
‏ونبض المشاعر لوعصيته غصبني

.....

‏كل غالي من غلاته ما نخيّب ظنّه
وأنت عاد الغالي اللي ما وراك ودونك

.....

حزين وكل ما هب الهوى غنيت
‏على ذكرى السنين اللي تقافت جمع

‏وذكرتك يا غريبه وارتحلت وجيت
‏اصافح ذكرياتك بالنظر والسمع

‏كثر ما كان لعيونك جمال وصيت
‏كثر ما كان لسيوفك بريق ولمع

‏عرفتيني وانا اكتب بيت وامسح بيت
‏وتركتيني وانا اكتب بيت وامسح دمع

.....

‏ما بقى من حبه ألا بقايا ذكريات
‏ودي إنه راح كله وأخذها كلها

.....

ياللي لك الشعر يُكتب والمشاعر تذوب
‏الشوق ماهو بيرحم والطواري بلا

‏تعال ما فيه واحد خالي من الذنوب
‏اما كذا مواصل العشاق ولاّ فلا

‏ان كان للحب دوله تستضيف القلوب
‏من غيرك ابايعه واقدّم لْه الولا

‏انا معك خاطري واسع وصدري رحوب
‏حتى لو اني حزين وخاطري ما سلا

.....