فوق هام السحب ( الشعر الشعبي) على متن القوافي

ماجيتك أعلمك كيف المشاعر تدار
‏جيتك بقلبٍ سليم ونيّةٍ صافيه

‏أنا شعفني هواك وجنّة الحب نار
‏وعيني من النوم مطروفه ومتجافيه

‏أقبل إلى شفتني على وشك الانهيار
‏وأقوم مثل المريض إلى أونس العافيه

.....

ليتك على كبر الهقاوي تسنعت
لكن ردي الساس مافيه حيله

.....

‏أترك أثر طيب تسولف به الناس
‏الصيت يغني والجمايل خزاين

.....

‏يا صباح الخير والدنيا عوافي
‏ابتسم وابدا صباحك وأنت رايق
‏
دامها تشرق ودام الجو صافي
‏أذكر الله واشكره لو كنت ضايق

.....

‏الا يالله تسند وقفتي لا تنهزع يا الله
‏ترى لولا الرجا بك ماتهقوينا بأمانينا

‏يا ربي تدري اني لا جزوع ولا قليل جاه
‏ما دام الجاه جاهك وانت تمنعنا وتعطينا

.....

‏تعجبني الطنخه ويعجبني الطيب
وتعجبني عزوم الرجال القويه

ويعجبني اللي يجتلد كنه الذيب
هقوات راسه فالشدايد جريه

.....

‏الشوق مثل الموت نزاع للروح
‏ياخذ من اجساد البشر عافيتها

‏كنه رفيف الطير لا صار مذبوح
‏يرقص الم للروح بمفارقتها

.....

يشهد الله كل ما غبت ساعه احتريك
وكل ما شافتـك عيوني يزيد اعجابها

.....

ترى صدور الناس مثل المخازن
ياما بداخلها من الشر والخير

وأكبر نجاحك في الحياة التوازن
والصبر لا صكّت عليك المقادير

.....

‏من يـهـمه حضوري يسعد الله نـباه
ومن لايـهمه حضوري مرحبا به هلا

وانت يَاللي وجـودك يلفت الانـتباه
من وجودك عساني يَالغلا ماخـلا

.....