فوق هام السحب ( الشعر الشعبي) على متن القوافي

لا صرت مستانس وعايش حياتك
فلا عليك من البشر وش يقولون

.....

يـــاحض منهو آخر الليل سهـران
لاهي بذكــــر الله ويقـــرأ كتابــه

قلبه نظيف وشع من قلبه إيمـان
يمشي على نهج النبي والصحابه

.....

‏مشتاق لك فاقدك ذابحني الشوق
‏استنتج من هالشطر كيف حالي

‏وعفواً نسيت اقول ضايق ومخنوق
‏وما عاد صدري في غيابك شمالي

.....

‏أنــت في قلبــي رفيعٍ مســتواك
‏في صميم القلب ماتملك شريك

‏والله أنــك فارض فينــي غــلاك
‏خطوتي تمشي وتجبرنــي عليك

.....

‏يالغالي اللي دعاك الشوق من كل باب
‏انت الوحيد الذي سيطر على ساحتي

‏اعشقك واهواك صدري صار مثل الكتاب
‏تعال اعانقك دام انها معك راحتي

.....

‏صباح الورود اللي مغلٌــف بباقات
باقـــة ورود لكل واحـــــد تصله

اهديتها عبــر القصايــد والابيات
لكــل غالـــي توصلـه فـي محله

وفوقها اجمـــل ســلام وتحيات
للاصدقاء بأطيـاب عطــره وفله

وصبحكم الله بالرضا والمسرات
يا اللي غلاكم ماخــذ القلب كله

.....

بخصتك وشفتك شي مايستحق الجهد
وصديت عنك صدت القانع الراضي

ابعتبرك من اغراضي اللي تركت بزهد
وصارت لغيري بعد ما كانت اغراضي

.....

يمكن حلاها بس صبغه وتصميم
كم شينةٍ تضبط ليا مـكيـجوهـا

ماتضبط الا عقب حمره وتـنظيـم
وعلى الطبيعه وجهها وجه أخوها
هههه

الظنون أحيان يخطيها الصواب
مثل طيبك في زمن مافيه طيب

.....

ياصاحبي ماعاد بالخاطر احلام
لاالروح مرتاحه والا القلب هادي

من كثر ماجارت بنا ظروف الايام
صرنا نرى صدماتنا شي عادي

.....