فوق هام السحب ( الشعر الشعبي) على متن القوافي

‏لا تبخل على الي محرجته الضروف احراج
تجمل وساعد واعط مما عطاك الله

من يدور المحتاج وايساعد المحتاج
فدته الوجيه الي آتدور على الزله

متعب بن مرزوق

طـبنا وشـبنا واتـعبتنا المـشـاريـف
والمـرقب العـالي هـبـوبـه عـنيفـه

ويا حظ من لا عرف منهو ولا شيف
ان طـاب يـحمد وان تـردى بكيـفـه

بدر عبدالمحسن

ماعاد ينفع فالشدايد ولد عم
مار الله الله فالدعاء والصلاوات

ماتو هل ابشر وازهل وتامر وتم
ولا الردي لامنه نفعه ولا مات

ماجد العتيبي

‏انا لو لا غرامك ما قبلت لصدتك تبرير
‏ويا ليت لغيابك عذر مايطري على بالي

‏اكابر واتظاهر بالصبر واشره على التقصير
‏وانا في كل يوم يمر اشوف النقص في حالي

.....

‏لاعاد تبكين قطعتي معاليقي
مادام قلبي معش وش داعي الدمعه

انا مع الناس حلم وصعب تحقيقي
وتحقق الحلم لك والناس مجتمعه

منصور الحبابي

أشياء واجد تضايقني وانا راضي
‏على رغم قوتي اسكت ولا أتكلم

‏ترى اكثر إنسان مايحكي عن الماضي
‏هو اكثر إنسان من ماضيّه يتألم

.....

يسعد مسا منهو تربى على الطيب
ترسم حروفي تفاصيله ومضمونه

كنه معي مثل القلم داخل الجيب
قريب من قلبي ولو غابت اعيونه

.....

عز الله ان الشدايد عندي اكبــر فضيله
عرفت فيها جميع الناس هــين وغـالي

عرفت فيها النشاما والنفــوس الـذليله
كسبت منها رجال الجــود وهل المعالي

ياعاشق المال كسب المال ماهو وسيله
انا الشرف والمروه والكرم راس مـــالي

.....

‏سرى اللّيل والذِّكرى ثلاثيّة الأبعاد
‏بعد ما تغيب الشمس تبدأ طواريها

‏على الساعة الثنتين في وقتها المعتاد
‏عسى الله يعين اللّي سواتي يعانيها

‏حنينٍ على الماضي وشوق وعنا وجهاد
‏وجمرة غضى لا هبّت الرّيح تحييها

‏يا كمّ ذكرياتٍ نزفها فالحنايا حاد
‏لو أتصنّع النسيان مانيب ناسيها

.....

‏ياطير تكفى لفّني بـالجناحيـن
‏ودّي معاك أطير يا طير خذني
‏
‏مادام مالك لا حدود وقوانيـن
‏خذني قبل هالحال يا طير يفني

.....