فوق هام السحب ( الشعر الشعبي) على متن القوافي

لا تعلمنـا عن اللي هـرج فينا وقال
اعتبـرنا لين هالحين ما نـدري عنْه

لو نبا ندنق على الطايح يطيح العقال
والعقال اللي على روسنا ما اغلى منْه

الجريدة عشر صفحات قيمتها ريال
لو كلام الناس محسوب ما هذا ثمنْه

.....

الخاطر ان طاب من حاجه عليها السلام
لو إنها اغلى من عيوني علي عفتها

.....

الطيب يرجع لك لو صار ما صار
من يزرع المعروف يحصد مثاله

.....

خلك على غلطات الاجواد ستـار
تكسب بها أجر وغنيمــه وجماله

.....

‏السنين اللي بدونك ما قدرت اشرحها
‏كيف بشرح والحنين ان مرني سكتّني

.....

قالوترى النسيان نعمه زينه
وش لي بنعمة دامها نسيانك

بلال الماضي

‏تعيش المواقف ما تحلل مع الاجساد
‏دفنا النشاما ما دفنا جمايلها

.....

كل نجمه شعشعة والقلب عتمه كانت أنتِ
وكل حرفٍ حرك اشفاهي بكلمه عنك أنتِ

.....

الكرامه والحميه والمواقيف العظيمه
هذي اللي دونها الاعذار نوع من الرخامه

لاتدور لـ السلامه وانت ودك فالغنيمه
من يفكر فالغنيمه مايدور للسلامه

لاتحــاول أنك تبيع الكرامه بأي قيمه
لأن مــابه قيمةٍ فيها بتشري لك كرامه

.....

حـنا ربينا في مـرابي هل الطــيب
اللـــي تميزهم وصـوف وعلامــه

وان كان لبيوت المعزه معــازيب
حــنا معازيب الوفــاء والكـــرامة

.....