فوق هام السحب ( الشعر الشعبي) على متن القوافي

رفرفي يارايه العز يامجد السنام
رفرفي بالعز في ظل قادات الامم

دارنا ومنا له غلا والمحبه والسلام
نرفع الرايه لحكامنا بيوم العلم
🇸🇦

ما تغيرنا هم اللي غيرونا
‏ماعرفنا الصد لكن علمونا

‏خيرونا بين زين الطبع وشينه
‏وقبل لا نختار بالشين أجبرونا

.....

وش حيلة المشتاق لا ناموا الناس
لا مرّت الذكرى بساعة مبـاتـه

ووش حيلة اللي كل ماصابه نعاس
صفّت طيوفك فوق رمشه وجـاته

الفقد جمره مثل ماقربك احساس
لـو عاشها مابـين ذاتـه وذاتـه

اعظم شعور يزوّد الهم والباس
من يـرثـي بعينه جميع امنياته

....

كل سوقٍ له زبون وكل شيٍ له سبايب
ونعمة الله ما تدوم إلا على عبدٍ حمدها

الحمد لله

‏عن الثقه بالبشر مبطي وأنا تايب
‏الماء لو أقدر غسلته قبل ما ذوقه

.....

لا تقول ان المسافة ماتجيب الغايب
‏البنادم لا اشتهى قلبه مشت رجلينه

.....

يا مرحبا ترحيبة تجلي الضيق
معطرة بالمسك في وسط باقة

باقة خزامى مع ورود الزماليق
وفيها من الشهد المصفى ذواقة

.....

‏اشتاق لكِ شوق الهوى للمسافات
واشتاق لكِ شوق القمر لليالي

واندم على وقت قبل شوفتك فات
واحرص على وقت بحبك بقى لي

.....

من صد عني قسم بالله ما ارده
لو هو طبيبي وانا في حاجة علاجه

احب طبع الوفا والوافي اوده
واللي يخون العهد ماني بمحتاجه

.....

صبرك على الدنيا ولا منه الناس
خلك سماء ومن القدر لا تضايق

من طاح فالدنيا هو رافع الراس
ما طاح قدره من عيون الخلايق

.....