فوق هام السحب ( الشعر الشعبي) على متن القوافي

‏ظروف الايام مثل السمعه الشينه
‏ماودك تشوفها في واحد غالي

.....

‏سلامي عليك إعجاب وأكبار واستعظام
‏وسلامي لغيرك حق مسلم على مسلم

.....

‏طبع الردي مايحسن الظن بالناس
‏دايم يظن الناس مثله رديه

.....

‏تعيش الاحلام فالصدر الوسيع الرحوب
وتموت في جوف نفس ٍضاقت أخلاقها

.....

ليت المشاعر كلها شعر وحروف
تنقل لكم بعض الغلا والحقـايق

غالين وأغلا من غلا السمع والشوف
ياقمة الاخلاق بين الخلايق

.....

‏دنيا تسوق العبد والضيق ماطيق
‏وحنا على حكم الليالي وديعه
‏
‏صكات بقعى في صدور المطاليق
‏راحت على المخلوق مثل الطبيعه

.....

لاتقول الخبل يمكن من خباله صحى
مايفيق الخبل لو عاش له تسعين حول

لايغرك لايح الشيب في عرض اللحى
اللحى تكرم باهلها حسب وزن العقول

كم صبين توه صغير . وجهه مالتحى
بس لاجت للصمايل يعد من الزحول

‎سعد عبيد

ياكافل الارزاق ياعالي الشان
ياقاضي ما دون حسناك قاضي

فزعتك تغنيني عن فلان وفلان
لاصار بالدعوى سواد وبياضي

عبدالكريم البدراني

ياغـافـل عن الديـن غــرتك دنياك
تغـانـم الـلـي بـاقـيلـك مــن ايــام

احفض حقوق الله من الشرياقاك
تــرا العمــر مـادام والخيــر مادام

ماتـدري ان الديـن سيـفن بيمناك
ويعـز شانك مع عزيـزيــن وكـرام

ماينفعـك لامـت جـاهـك ومخبـاك
لاطويت الصفحه وجفـن الاقـلام

‎بندر فيحان

ﺳﻜﺐ ﺍﻟﺼﺒﺎﺡ ﻋﻠﻰ ﺍﻟﻮﺟﻮﺩِ ﻋﺒﻴﺮﺍ
ﻭﻛﺴـاه ﻣﻦ ﺣﻠﻞِ ﺍﻟﻀﻴﺎﺀِ ﺣريرا

ﻓﺎﺑﺪﺃ بأﺫﻛـار ﺍﻟﺼﺒﺎﺡ ﺗﻜﻦ ﺑﻬـا
ﻓﻲ ﻛـل ﺻﺒﺢٍ ﻣحصنًا ﻣﺴﺮﻭﺭا

.....