فوق هام السحب ( الشعر الشعبي) على متن القوافي

انا اللي مايملك غير ثوب وشماغ ديور
وقلبٍ تهزه دمعة الشوق واطيحه

يا حلم الحياه الفاني مجمل ومشكور
هذا الواقع اللي ما تمنيت توضيحه

.....

سبحان من ريّض أشواقي على همسه
لين آخر الليل صار بساعتي بدري

سوالفه من حرير وضحكـته ونسه
رقراق نهرٍ على طول السنه يجري

.....

يطيح من عيني عزيز ويكبر بعيني سراب
وإللي يطيح من العيون يموت مايرجع لها

.....

حبني مثل الخيال وخلني مثل المخيله
القبول اللي لمسته منك يكفي عن قبيله

يوم مرتني حياتي كلها ماشفت غيرك
انت صورة كل مشهد وانت قصة كل ليله

.....

‏هي اربع اشياء تشرح حالة العاشق
الورد والغيم والاشواق والقهوه

.....

حاولت اتوبك وماتطري على بالي
لكن لقيت الحنين اكبر من التوبة

.....

‏اللي يتابعنا على الراس من فوق
عسى ف صفحتنا من الشعر مسرور

واللي يصد عنا له الشكر مرفوق
حضوره يشرف ولو غاب معذور

بقلمي

‏اشتقت لك شوق مايدري به الا الله
‏واخاف لا قول لك مشتاق واتكابر

‏ياصاحبي والله إن ماني بحي الله
‏اضعفني الشوق لك عقب ال انا خابر

.....

‏تقولون دام إنه سراب ولحقته ليه
‏ترى متعتي في شوفه وفي ملاحقته

.....

‏أنا مُجرّد ليف وشموع وفتيل
‏محتاج لي كبريت حبّ يشبّني

‏القاتل إللي صار بعدين القتيل
‏ياحبّني للدور ذا ياحبّني

.....