اخترنا لكم

حبك عتيبه وقلبي نجد وهضابه
ومتربعن فيه من حدك ليا حدك

.....

لاعسعس الليل زادت وحشتي وينك
الصوت ما يوصلك والشوق ما جابك

شكراً بحجم الغلا اللي بيني وبينك
والّا بحجم الجروح اللي من أسبابك

.....

سلام وصباح الخير واهلاً وحييت
سلام شرع الله من الروح والعنق

ماعندنا الا سلمنا كل ماجيت
خلك من اللي صباحهم قودمورننق

.....

أثبت لك اكبر دليل إن الزمن جاحد
‏وإن المفاهيم عند الناس مختلطه

‏أفعالنا الصح يلغيها غلط واحد
‏وأفعالنا الصح ماتلغي ولا غلطه

.....

تمرك العابرين وما تسلم عليك
إلا غريب طوته الأرض بسنينها

قال أنت جالس لحالك تنتظر من يجيك
قلت أنتظر نفسي اللي ماعرف وينها

.....

لاتستهين بشوق الاحباب وتروح
وتقول جرح ودمعتين وعبرا

الشوق وحشة روح من غيبة الروح
ماهو بجرح ايدين يدمي ويبرى

.....

‏صاحبي لو كان للناس والدنيا أمان
ما تموت زهور الأحلام قبل نشمَّها

.....

كل غالي من غلاته ما نخيّب ظنه
‏وأنت عاد الغالي اللي ماوراك ودونك

.....

الحب غفوه نوم في جفن سهران
سحابه الاشواق والوصل ديمه

والبعد جرح انسان ف داخل انسان
تبطي وسومه بالحنايا مقيمه

.....

الكلمه الطيبه لو هي مجرد سلام
يبقى لها في قلوب الناس قيمه واثر

.....