فوق هام السحب ( الشعر الشعبي) على متن القوافي

‏اصد عن زلة قريب الجماعه
مانيب سيفٍ يضرب كتوف راعيه

والا الشجاعه مانقصنا شجاعه
لكن ترا الدنيا سلوم ومشاريه

.....

وجعل النفوس الي تحلت بالأخلاق
تصبــــح وتمسي ما تشوف النكاده

.....

‏الورد يبقى ورد في كل الأزمان
‏لو غيرو بالورد حجمه ولونـــــه

‏وأنا أحب الورد في كل الألوان
‏وأحب ناس بطيبهم يشبهونــه

.....

على رفقة الطيب يسير الزمن قدام
‏اماري بطيبه وأرفع الراس واردد

‏سلامي على اللي ما تنكر مع الأيام
‏غلاه ونباه وموقف الطيب متجدد

.....

النـــاس يعميهـــا عن الصح الغرور
يا شيـــن نفس ٍ بالخطــأ متعايشه

تركت كل اللـــي ورد بين الســـطور
وحفظت وش قال الرسول لعايشه

مؤمـن بما عنـــد الله الحــي الغفور
أحسن من اللـــي في يدينــي حايشه

طامــع بغفرانه وقصر من القصور
تفتـــح علــى نهـــر النبــي درايشــه

.....

يالله تجازينا برحمة وغفران
وأعتق رقاب ٍ حانية لك ذليله

أنت الكريم اللي على العبد منّان
والعبد ماله غير رحماك حيله

آمين

‏هي شيخه الزين والاخلاق والعفه
سبحان من زيّن الخلقه وسواها

هـي بكفه وخلق ربي كله بكفه
تفرق عن العالم بمجمل مزاياها

الوجه والخد والعينين والشفه
تبطي بطون الحريم تجيب شرواها

.....

يارب لاتكشف لي عيوب الأصحــاب
خلني على عميـــاي فيهـــم ولا ادري

مشكلتي ان أمثالي شوي واغـــــراب
منين أجيب أصحاب من نفس قدري

.....

أنا بنت الحياة ونصرة المسكين
أحبّ الطيب واتفيّــا مـــن ظلالــه

أحب النّاس وأعشق فيهم الغالين
وأحب اللي يعيش العمر في حاله

.....

مهما سقتنا الحياه امرارها عايشين
نضحك لو ان الليالي شانت نفوسها

.....