فوق هام السحب ( الشعر الشعبي) على متن القوافي

‏في عيوني صورتك تبقى دفينة
وبالحنايا حبك ‎الغالي متين

دام ‎نبضك جوهرة عندي ثمينة
والله أنك داخل اعماقي ثمين

.....

‏آكتب سطور الحب وابوح بالحب
لكن قلبي يترك البوح ويروح

مهما كتبت القلب ما ينفعه طب
الا بقربك يا هوى القلب والروح

.....

‏هذا المساء ما يشبه إلا مباديك
جداً جميل وطلتك به جميله

يسعد مساك ويسعد الله لياليك
عساك تسلم في مساء كل ليله

.....

‏لبى وليفي سيد الحسن والذوق
قلبي يحبه والمشاعر صفو له

مكانته بالقلب مثلا القمر فوق
يبطون عذالي وهـم ما وصلو له

.....

برد و غزل وأفكار شعر وهواجيس
‏وهموم مدري وش بلاها تجيني

‏ليل وعتب وأشواق حب واحاسيس
‏تجمعت في وسط قلبي وعيني

.....

ان كان حضك ما فرشلك ولا غطاك
لا ترتجي من حض غيرك يغطيك

.....

أنا في غنى عن زايف المدح والإعجاب
ولا يوم قلت لراعي الطبل طبّل لي

.....

مايرتفع من طاح قدره من العين
لو يمتلي لولو من الراس للساس

.....

أليأس حطم سنين الجهد واحلامي
والحزن سيطر ونظرة واقعي اوهام

زالت جهودي على عثرات اقدامي
واتبعثرت أُمنياتي وانتهت لَـ احلام

وما بقى لي سوى ما خطت اقلامي
يا هل عساني بِشعري انتسي الألام

.....

لاتحسبين الضروف تحدّني من دونك
كل ضرف انطحه وجهي وأخيّب ضنّه

مستعد أبيع عمري لأجل اشوف عيونك
وش ابي بالعمر وانتي عيونك أجمل منه

.....