ديوان قصائد لشعراء المملكة العربية السعودية (متجدد)☘️☘️

أحيان تتنازل عن الحلم وتعيش


أحيان تتنازل عن الحلم وتعيش


أيّاة فرصة في طريقك .. وعادي
لكنّ وحقّ الحب والملح والعيش


إنّي ذكرتك بإنكسار المبادي
صحيت يامريم على ضحكة الطيش


وأدركت بإنّ المقدي سنين غادي
لا تسأليني كلّ هذا الحزن ليش


توّي فهمت إنّي ضحيّت عنادي

نواف التركي

محتاج لي ليلٍ طويل وخلوة


محتاج لي ليلٍ طويل وخلوة


وألبّسك هذا الحنين قلادة
ياللي خذيتي كل حاجة حلوة


هالحين أنا عايش حياتي سادة

نواف التركي

غنّي الليلة أحتاج ل حنينٍ شجي


غنّي الليلة أحتاج ل حنينٍ شجي


ميّلي لين تتمايل غصون العنب
خلي الليل يسهر بأغنياتك وأجي


عاشقٍ يستجير من التعب للتعب

نواف التركي

مورقه يا طواريق الطريق الطويل


مورقه يا طواريق الطريق الطويل


ماتمدّين غير الجزلة من التعب
هذي البيد سوقي خطوتي للرحيل


كوني الثغر وأكون لغناك القصب
هاربٍ يوقد الظلما وصوته فتيل


شبّي الوجد يشعل لك ضلوعه حطب
من كثيره بقى للعابرين القليل


اقروا الحزن ماحول المغنّي طرب

نواف التركي

حمّلوني وزر كلّ القلوب الخضر


حمّلوني وزر كلّ القلوب الخضر


والسهر والشعر والليل والأغنيات
لا تمرّون في صوتي ومن هو يمر


لا يعلّق على غصن الشعور أمنيات

نواف التركي

ياصاحبي الحزن

ّ ّ ّ


ّ
ّ


ّ ّ
ْ 


ّ ّ
ّ


ّ ّ



ّ ّ
ّ ّ

ّ


 ٍ ّ
ّ


ّ ٍ ّ
... ّ


 ّ
... 


ٍ ّ ّ
ّ ّ

ٍ ّ


ّ



ّ ّ ّ
ٍ ّ




ّ  ّ
ّ ّ

ّ ّ


ّ

نواف التركي

مقاطع شعر ( 1 )


الله الله ياللي في ظلوعي وقفت


لك ثلاثٍ تلجّ الموحشات تعوي
لو بقى دمع ما قصرت معك وذرفت


لو بقى وجد خلّيت القلوب تغوي
بس والله شفت وشفت واجد وعفت


وبالسما كل يوم أشوف نجم يهوي
خفف الله كثير من الوجيه وعرفت


ماهو بكل من تعرف يسمّى خوي
وإن بالبعد راحه وإنك إليا إكتشفت


علّتك فأعجل بميسمك وأرك الكوي
ما يهمّ القلوب المترفه لا نزفت


المهم في عيون الناس تبقى سوي
أيه كل الشوارع زفت والوضع زفت


خاليه غير من حزنٍ سرى ببدوي
دجت في كل ركن بهالمدينه وطفت


وكان أخر حديث لنصايتها .. لوي
إختلف كل شي بهالزمن ما أختلفت


أتعامى وأجمّل حالتي وأحتوى
الله الله ياللي كل ما أسلى وقفت


من ورى الصدر وأرقبت الضلوع تعوي
والله إني تركتك للزمان وحلفت


بس جاب القوي منك الشديد القوي
كانت ليالي وكان الحزن متراهي


واليوم عين القصيد بنظرته شايحه
عزّ الكلام وتركت الشعر لأشباهي


وأدركت بأن المسامع توحي الصايحه
فأن كان يا مي لاحت بسمتي ماهي


رضى ولكن دلالي من سخط فايحه
وحق رمشك وطرفٍ خادر ساهي


ما كان هذا العشم بسنيني الرايحه
أخطيت يامي وأدري عذري الواهي


ما هو مجمّل ولو حطّيت له لايحه
لله يا أنتي وأنا مغرور متباهي


وأعزّ نفسي عن السقّيط والطايحه
ضمّي بقايا غريبٍ حزنه يضاهي


حزن النوارس إليا أقفت بالفضا نايحه
لوكنت سامع نصيحه كان لي ناهي


لكن لي نفس عن هالخلق متزايحه
الصبر ثوب الفقير وستره الزاهي


والشعر معراج روح ودمعةٍ سايحه
وأحسّ به مرّ لا رفرف على شفاهي


وإحس نفسي عن التفكير به شايحه
ما يطرب الشعر غير إليا صعب طرقه


الهيّنه كل خلق الله لها راعي
ولاّ الشرايد تجي جفله ومفترقه


ولا يقنص الفكر غير الشاعر الواعي
فإن كان ما بيّن بعين البشر فرقه


خلّيت كثر الحضور وما لها داعي
من أوّل الليل لين تبيّن الزرقه


وهو معي وين ما وجّهت بشراعي
كنّي سماه وينوض بداخلي برقه


أو كنّه المهتوي والمرقب أضلاعي
يا حادي البوح نوم البارحه سرقه


يخمّ عيني وتقنب دونه أوجاعي
ستاير الصبر سمل النور يخترقه


بلْيت ولا عاد فيها ينفع رقاعي
غريب أجرجر خطاي وطالت الطرقه


متحريٍ كل ليله صرخة الناعي
ما مر في عالمي من غربه ل شرقه


فرحٍ يبلّ العروق ولا لفى ساعي
والشعر الأوراق والأوراق محترقه


ليتي قبل ما أكتبه دوّرت مطلاعي
البارحه بين حد الصحو والغفله


ماهزّني غير صوت الشادي الناغي
يجر له لحن فوق الدوح وأهتف له


يا عازف الحي صوتك موجعٍ طاغي
فج الحنايا وخذ قلبي معك شف له


جناح يقوى لقلب الغيمه إبلاغي
أبنهمر مثل طعم الحكي من طفله


تعلّمت كلمتين وراحت تغاغي
ما كان حزني عشان الخلق تأسف له


ولا أسأله وين في تغريبتي باغي
وأحس روحي طريدة مبعده جفله


وأحسّه الطهر ويلزّم على إسباغي
وأبلا به الشعر وأغنّيه وأقطف له


دمعٍ تعبت أستره في طارف شماغي

نواف التركي

دع الشعر ..!!


دع الشعر وأساطير الكلام وفلسفته وراع


إلي .. وأفهم ..وبطّل من قناعاتك بإيهامي
بأن الشعر نوع من الترف وإن القصيد أنواع


وأنّ ..وأنّ .. وتأنأن علي وتقطع إلهامي
ياعمي هدّ مو كل القصايد ذوق وإستمتاع


بعضها ما يضع رحله يا كود أقطّع إبهامي
تبي عاد الصحيح أقرب وأسولف لك عن اللي ضاع


قبل ما أجمل تفاصيل الحياة تموت قدامي
لي أكثر من ثمان سنين ما تقضب رجولي قاع


كأني موكل أقيس الفضاء بخطوة أقدامي
ماهي لحية شعر طس السبيل بنكوي الأوجاع


وشغلّي مهلي خل صوته يبري ألامي
ترا يكذب عليك اللي يقول إن الفجوج وساع


إذا تقدر تموت بديرتك مت جايعٍ ضامي
وحق الله ي أني كل ما دكّوا على المهجاع


أغنّي للعيون عن السهر يا نكبتي نامي
ويشق الصبح من عين الظلام وما رضت تنصاع


ولا يطري عليها تستريح أتلذذ أحلامي
لك الله بس أدوّر في متاهات الزمن مطلاع


ولا أرجي غير أريّح من شقاي بمقبل أيامي
ماني ناقص يطيح قناع خلف قناع خلف قناع


يكفّي خلّها بس إتّحمل ثقلي عظامي
وإذا غرّك وصول التافهين وذكرهم لا شاع


فصدّق لو عرفت شلون وصلوا تشكر أقدامي

نواف التركي

عيون الأحلام عميا ..!!


ياحادي الروح بين البوح والعبرهشيِ بسيطٍ على الدنيا مصبرني

فإن كان لابد ينزف شاعرك حبره


أضمن لي الدمع ما ينزف وعبّرني
كبرت حمول الزمان وقلّت الدبره


وعيون الأحلام عميا ما تدبرني
ياطيب حزني معاي وصدقه وكبره


شف كيف بعيون خلق الله كبّرني
عزالله إنّي غديت ب هالزمن خبره


من كثر ما كسّر ظنوني وجبّرني
هالقلب قفلٍ قديم وباقي ب صبره


مقدار ما يكفي الأيام تقبرني
ما ظلّ بي حيل أعاشر قلب وأختبره


طلّعني من الحديث الموجع أخبرني
هو باقي أحدٍ يحب الشعر وأعتبره


الناقد اللي بعين الحرص يسبرني
وإلاّ تنام الشوارد غبن منجبره


ويدين الأقزام شرهتها تشبّرني
تدري يطول الكلام وتخفت النبره


وأنا التعب للغياب بصدق يجبرني
والبوح هتّاك ستر وداخلي عبره


وشيٍ بسيطٍ على الدنيا مصبرني

نواف التركي

أغاني الراحلين ..!!


من يوم مات الكلام بصدري ونامت


عيون وجدي نذرت البعد لأقدامي
وأدركت بإن النهاية حق ما دامت


قبلي ل شاعر عشان تدوم لأقلامي
هل كان ماراح إلاّ روح قد هامت


في كل أرضٍ تدوّر مرقبٍ سامي
وهل كنت إلا آتحاشى نظرة الشامت


وأحاول بقد ما أقدر أنصف إلهامي
فليغفر الله ذنب أوهامي إن قامت


بحمل روحي إلى ما يقتل أحلامي
روحي مرومة شرف وبعذرها رامت


بلوغ سابع سما لو ترفض أيامي
يكفيني إنّي قدرت أحاول ولامت


خلق الله وما كسر عزمي ولا إقدامي
حتى بلغت آخر اللي يمكن وحامت


روحي مثل كل طيرٍ حرٍ قطامي
فإن كان دنياي قصّت جنحي وسامت


نفسي بحملٍ ثقيل يكسّر عضامي
يبقى العزا كان ضامتني فقد ضامت


قبلي صناديد قومٍ تنطح الرامي
ولدت رغماً عن أنفي منغبن صامت


وبموت رغماً عن أنف الوقت متسامي
ف ياصاحبي حطّ رحل الشعر قد شامت


روحي ومات الكلام وجفّت أقلامي

نواف التركي