فوق هام السحب ( الشعر الشعبي) على متن القوافي

يالله تبعدني عن النقص والعيب
وتبعد لساني عن مناقيد خلقك

اسألك يا ربي حياةٍ على طيب
وأسألك غفرانك وسترك ورزقك

آمين

الرجل لامنه تكبر على الناس
تراه من ورك المطية تدلى

لوهو من شيوخٍ بعيدين الأرماس
من يستهين بحق الأجواد وللى

.....

فجيوبنا خل عنك المحفظة والرزم
والله يا دينار ما تلقاه فجيوبنا

والحمدلله بخير وننعزم وانعزم
واليا بغونا النشاما روّحوا صوبنا

.....

النفوس العظيمة تعرف اللي تبيه
ما تدوّر رضا العالم وتركض وراه

من يجامل وجيه ويستحي من وجيه
راح عمره وهو يمشي بدون إتجاه

البس اللي يعجبك واكل ماتشتهيه
دامك في طاعة الرحمن عيش الحياه

لا تروح لمكان الا وراحتك فيه
ولا تجي من مكان الا بسيره وجاه

.....

ثنتين للرجال تشجيع للخير
ممشى الحياء ومجالسة كل مقدام

وثنتين للرجال همّ ومخاسير
ممشى الدهر ومجالسة كل نمام

.....

ألذّ من بارد الماء في نهار رمضان
‏سوالفٍ منك لين أموت ما أملّها

.....

مافاز فيها إلا انت يا حزام الأمان
ضميت ناس ماقدرت أضمها

.....

على مشارف ثغرها ينبت التوت
ويا حظ من ياكل من التوت حبّه

.....

يامل قلبآ من هوا الزين مجروح
من كثر مونس حبها في فوادي

ودي اخب الحب لناس مابوح
من شأن مايدري كثير القرادي

مغير أجاوب حايم الورق وانوح
وعيا يوصلني لغاية مرادي

اثر ألهو يصبح له القلب مجروح
خصآ لياجا دون المحبين حادي

حداني اللي راحله قبل ماروح
وخلاني أبقى فالمتأهات غادي

ياليتني ادري عن الوضع مسموح
أقدكم لهم من دون عيب ونقادي

.....

‏حيا الحنين اللي بصدري يوم مات
‏مع السحاب اللي تساوى وانهمر

‏كن المطر يطق باب الذكريات
‏اللي ما تفتح بابها الا للمطر

.....