اخترنا لكم

قالو تغيب وقلت لاغابو الناس
‏وإليا حضرت احضورنا يعرفونه

‏أرد وجاري واحب التوناس
وأطرب لمن تطرب معاني الحونه

من جا لنا قدره على العين والراس
ومن راح في دربه ولا له مهونه

ما نبحث الخا في ولا نوجع الراس
والناس ما ندري وش اللي يبونه

.....

خلك لحالك وكف خيرك وشرك
محدن وراء المقفين بتوقف حياته

.....

ما كل ضحكه عليها للسعاده ضمان
ولا كل وجهٍ بشوش مخلّيته الظروف

مفارق أحباب ومواجه ظروف الزمان
والحمدلله مستانس مثل ما تشوف

.....

أميل لفكرة الوحده بدون قياس
واحب الانعزال ابو الخصوصيه

انا مرتاح مع نفسي بدون الناس
بدون الناس راحه مش طبيعيه

.....

احرص على الطيب اليا اقبلت واقفيت
تلقاه لامن طاب من طيب ذاته

والا الردي لاطاب دور على الصيت
لازم يعلمنا على سناب شاته

لاتحسبه طيب مثل ما تهقويت
يومين والثالث يبين رداته

لان الردي راسه مثل راس كبريت
ما يقدح الا مرة في حياته

.....

ترمي بنا الدنيا من الجال للجال
مثل السكارى في حياة النكايد

مابين كف وكف جمره لها اشعال
يجهل وجعها متعبين الوسايد

واحلامنا من دونها ابواب واقفال
وعزومنا منها تهون الشدايد

بيضٍ نوايانا على كل الاحوال
نفعل جميل ومرضي الناس كايد

.....

‏ويا لائِمي في عَبرَةٍ قد سَفحتُها
لِبَينٍ وأخرى قبلها لِتَجَنُّبِ

تحاولُ مِنّي شِيمةً غيرَ شيمتي
وتطلبُ عندي مذهباً غير مذهبي

ولمّا تَزايَلنا مِنَ الجِزعِ وَاِنتَأى
مُشَرِّقُ رَكبٍ مُصعِداً عن مغرِّبِ

تَبَيَّنتُ أَن لا دارَ من بعدِ عالجٍ
تَسُرُّ وأن لا خُلَّةً بعدَ زينبِ

.....

نزعل لا شان الزمان وشحّت يدينه
لكن قنوعين باللي ربنا كاتب

فان شفتني ضايق ونفسيتي شينه
لا عاد تشره ياخوك وتقعد تعاتب

المزح والضحك والنفسية الزينه
ماتطلع الا من الراتب إلى الراتب

.....

يا البنا ادم ما تفيدك فزعة الفزاعه
العرب لو افزعت ما تنفعك فزعتها

اطلب المولى ترى الايام فيها ساعه
ساعةً لن وافقت ما رجعت دعوتها

واعبر الدرب السليم وكب عنك الضاعه
الرجال دروبها ما تنمحي جرتها

.....

متجليه للعين من دون تشفير
خطاك ياقلبي على العين فادح

في ذمتي ما عاد فاحلامها خير
والشر في عيون الليال يتقادح

وان ما صفا مكنونها خير ياطير
اضرب جدار احلامها بالصنادح

.....