فوق هام السحب ( الشعر الشعبي) على متن القوافي

عليك الغرام يدفه الشوق والنسناس
يا روحً عليها غييمه الود منسكبه

مزاياك تغري شاعرك والقصيد احساس
طواري غلاك اللي على القلب مشتكيه

.....

يا طير صوتك حرك اشواق وجراح
ودموع عيني من على الخد ساحي

يا ليتني مثلك على الغصن نواح
من فوق غصن البان يشرق صباحي

ويا ليت لي يا طير ريشن مع جناح
كنت امتلكت الجو وابسط جناحي

حرن مع احساسي ومطلوق سراح
عايش مع اشواقي ومطلق سراحي

يا طير ياللي في هوى الشوق لواح
شفتك وفاض الوجد والسد باحي

نبض الهوى ساكن مع بعض الارواح
ما بينها همس وتناغم مباحي

ياما على دنيا الامل باب مرواح
وياما سجين البعد ماله مراحي

.....

مرحبا ماهي بمررة ولا عشرين مرة
لين يقطع صوتي ويبتدي ترحييب عيـني

كنت احسب الصوت ماهو يرد الروح مرّه
واثر صوتك لا سمعته يرد الروح فيني

.....

‏الـجـو هادي والـمـشاعـر لها بـوح
‏والصمت في بوح المشاعـر مسره

‏إقرب و واصلني من الروح للـروح
‏قـربـك حـياتن مـاوراهــا مضـره

.....

مـن يفـرح بفـرقـاك افــرح بفــرقـاه
ومن يبكـي لشـوفتـك امسـح دموعـه

اللي مـا يعـرف قيمتـك وانـت ويـاه
لا غـاب عنـك لا تحـرى رجـوعــه

.....

نعيش بالدنيا كما حال الصقر
طاير ولاعين على الارض وطنه

وبالرغم كثر ظروفنا اني اقر
الطيب والمعروف ماحدنا عنه

لا من لفانا ظيف نعقر له عقر
صدورنا ما تظيق لو يقعد سنه

الله خلقنا كرام ما نخشاء الفقر
نعطف على المحتاج واحنا احوج منه

.....

ماطاح في قلب الغلا غير الاوجاع
وماشالت كفـوف الندم غير ضيقه

أثر الغلا لا زاد عن حــده أنبــاع
مثل الدفى لازاد يصبح حريقه

.....

مهما خسرت أحذر تخسر الكرامه
حتى ولو تخسر حبايب وفارقت

ولو شحت كفوف الزمن بإبتسامه
أصبر وقول المسألة مسالة وقت

خلك قوي عزوم مرفوع هامه
لاتنحني للوقت مهما تضايقت

.....

بين الصبر والصمت والخاطر الشين
ما قلـــت يا ليل العنا وش جرالـــي

ومن كثر صـــدماتي بناس العــزيزين
قمت اتحرى صــدمتي مـــن ظــلالي

.....

فأنظــر بعقـلك إن العــيـن كـاذبــةٍ
واسـمــع بقـلبـكَ إنَّ السـمعَ خـوان

ولآ تقــل كــل ذي عيــنٍ لـه نظـــرٍ
إنَّ الـرعاة تـرى مـا لآ ترى الضَّـان

....