فوق هام السحب ( الشعر الشعبي) على متن القوافي

أجمع أول حرف من كل السطور
حتى تعرف كيف أعبر عن غلاك

بس قلت أقولها بأبسط شعور
كلمه وماهي تليق إلا معاك

....

الله عطى نُور القمر وقت ويغيب
والله عطاك النور في كل الأوقات

....

‏لك في عيوني همس وحروف وابيات
‏ولي في عيونك من دفا الحب تجديد

‏يا سيد إحساسي تموت المسافات
‏في داخـــل عيونك وتحيا المواعيد

....

حبر المعـــاني لخبــط اوراق الزمـن
والخوف في شرع العرب سحر البطون

يا رب كلمـــــــة ما يوازنهـــا ثمــن
ما يفهموها غير حمــــــران العيــون

....

شوقي مسافة وهمساتي مدار وفلك
‏ ان ماضميتك غلا ياعلني مارتويك

مساعد الرشيدي

ثنتيـن حـارب دونـهـا لـذة الـنـوم
فرض الصلاة وباب رزق انفتح لك

عن غيرها لو نمت ما يلحقك لوم
مـا كـل مـا يصلح لغيرك صلح لك

....

‏لاجاتك الحكمه من لسان شايب
خذها وسكر بالحشا دونها الباب

مرت به الدنيا وشاف العجايب
وجمع بقلبه من تجاريبها كتاب

....

‏ارقا مراقي العز من دون الادنين
‏العمر واحد والمعزه مناوي

‏لاصرت من قوم ًكرام ًمسمين
‏خلك لدرب الطيب دايم شفاوي

....

الظنون أحيان يخطيها الصواب
مثل طيبك في زمن مافيه طيب

....

‏والله ما مثل التوكل على الله
يملا لك الدنيا سعاده وتوفيق

واللي يردد دايم أسـتغفر الله
تلقاه مايدري عن الهم والضيق

....