فوق هام السحب ( الشعر الشعبي) على متن القوافي

‏الضيقه الي على وجهي مواريها
‏ومن كثر ما اخفيها بانت وسط عيني

‏يا كثر ما اهدي العالم واواسيها
‏وانا لهالحين مدري من يواسيني

....

‏ما أبي اعترف لك بالغلا وانت غالي
خلك كذا ما بين ضامن وشكاك

مره تقول ان فيه غيرك ببالي
ومره تقول ان مابه انسان يسواك

....

‏ترى الأماكن لا خلت منك تنعاف
‏مثل الليالي لا خلت من قمرها

....

ياناشدن عني تراني حدا اثنين
‏اما جليس كرام ولا خلاوي

....

خلّ بينك وبين اللي تعـزّه مسافه
‏لجل يحفظ مكانك وأنت تحفظ مكانه

....

مايوجع الطيّب إلا قلبه الطيّب
‏ولا الخساير فدى راسه ورجلينه

....

الموقع اللي فيه من كل الأنـواع
يالله مـع أهل الطيب فيه تجمعنا

....

ليت الهواء انفاسك واتنفسه دوم
ياللي غلاك فالقلب واطي وساكن

ليتك نسيم الليل يا ورد مشموم
يفوح عطرك في جميع الأماكن

....

ليل ياساريه كم قد سرينا مساري
ماسرى ليل إلا بعد ما قد سريته

ادعيت الغبا وانا في السر داري
والغبي يحسب إني ماعرفته وريته

إن قلت الصراحه فالصراحه ضماري
بينما صمتي ابلغ من مدا ماقريته

والحياه جاريه والحفظ والمسح جاري
ماجراه القدر في مجرياته جريته

....

يا مــدور الهيــن قليل الحميــة
ما ينفعــك من لا تـرده حميــاه

من كان عـزمه في العوافي شوية
وقت الشدايـد جعل بقعا تعشاه

الجيــد ما هو للمصالـح مطــية
الجيــد والله من طريقه مخــلاه

مــانا رفيــق اللي يخلـي خـويــه
انا رفيقي اللي يجي لك من اقصاه

ان كانهـا بيــده طــويل النهيــه
وان كــان ما بيـده تسرك نـواياه

تغــزلي بالطيــب يالغشـمريــة
واستبشــري خلي يدينـك محناه

عــاد الليالــي مـقبلــة يـا بنيــه
بافـراحها اللي ما تجـي بالمراضاه

بــالله وثـم باهـل العـزوم القـوية
اللي تــرد السيـل يــرجع لمنحـاه

من عــاش ما عنده لنفسه قضيـة
يمــوت ما حد يذكره واش سواياه


....