فوق هام السحب ( الشعر الشعبي) على متن القوافي

في خيالي شوق وأطلال وحبايب
جت بها الذكرى وهاجوسي سهرها

زار حلمي طيفها اللي كان غايب
مانساها القلب لو حلمي ذكرها

....

والله مابي شي منه دامه مقفي
ماغير بنشد عقب فرقاي وشلونه

ان كانه بخير قلت الله يسهل له
ماني بقايل عساها تدمع عيونه

تكفون ياللي تجونه من يبشّرني
عساه ما زال رقمــي في تلفونه

....

ياحلوها لاشفت جاري الكتابه
من غالي يسوي بعيني ملآيين

....

كل واحد شايفٍ نفسه علينا
يستوي عندي حضوره مع غيابه

....

اليوم في ها الزمن ما عد به ذمه
في الناس تذكر ولا باقي بهم طيبه

ما باقي الا الردي والاش والخمه
إلي مقابل مثلهم عندي مصيبه

على الردى بالمجالس دوم ملتمه
هرج القفى طبعها والذم والغيبه

ما خافت الله ولا في قلوبها ذمه
وحق الخوي عندهم تجهل مواجيبه

صالح القريني

ماني من اللي يرمي العيب بالعيب
عايش أدور عالســـتر والســلامة

واللي تكلم عني بالسـر والغيـب
أبسط ردودي له أردها ابتسـامة

....

أدفن همومك بالصدر واكرم الذات
سجن الحزن يبقي كرامتك حُرّه

تتعب على كتمان الاوجاع مرات
و لا تــحـس بذلـّة البــوح مـره

....

ﺇﻥ ﺷﻔﺖ ﻓﻲ ﺧﻠﻖ ﺁﻟﻠﮧ ﺃﺧﻄﭑﺀ ﻭﻋﻴﻮﺏ
ﻭﻓﻲ ﻛﻞ ﺛﻮﺏ ﺗﺸﻮﻑ ﺷـﻖٍ ﻭ ﺭﻗــﻌﮧ

ﺁﻋـﺮﻑ ﺑﺁﻧـﻚ ﻻﺑﺲ ﺁﻟﺜـﻮﺏ مقلوب
ﻭﻛﻠﻦ ﻳﺸﻮﻑ ﺁﻟﻨـآس ﺑﻋﻴﻮﻥ ﻃﺒــﻌﮧ


....

‏عمر الحكي ما كان له بالغلا دور
وحبٍ ماهو من قلب صعبٍ قبوله.

الحب صدق القلب إحساس وشعور
والا الكلام الزين كلٍن يقوله

....

ما قول تكرم لجل عينك مدينة
أقول تكرم لجل عينك بلادي

....