فوق هام السحب ( الشعر الشعبي) على متن القوافي

لاترهق افكارك ولا تسرح بعيد
‏الشمس تفضح ماخفا بشروقها

‏ازرع بوقتك طيب وأنت المستفيد
‏الطيب شجره ماتموت اعروقها

.....

هلا بالكال اجيك وراح مايه
نطرته وما وصل للريج مايه

هلا بالعندي يسوى اعدال ميه
بجفن واتنطره يسلم عليه

شعر عراقي

عقب الغياب اللي تبرره الليالي والظروف
سلام تسليمة وفا من غايب عذره معه

.....

‏عسى ايامي في نواصيها الفرح معقود
‏عسى حظَّي ليا كبرت يجمِّلني بمواقيفه

.....

طال عمر الجرح ياعمّر الزهور
والربيع أن مات مافيد المطر

ذبـلت اغصاني ولابه اي نور
يضوي ايامي اذا غاب القمر

واقفه والأرض من حولي تدور
ترجف ايديني اذا طيفه حضر

اتثاقل خطوتي بكل الأمور
خايفه لا اشوف وجهه بالبشر

كان لي حلم وعلاقات وحضور
وكان لي قلبٍ عشى فيه الدهر

عاتبوني يحسبونه من غرور
انـعزالي كان من طعنة غدر

قلت اجبر ماتبقى من كسور
وأنقضى عمري ولاشي انجبر

نجد

مانت اول اللي غاب عني بشدّه
انت اول اللي ما توقعت فِرقاك

سبحان من شَيّد غلانا وهدّه
وسبحان من قوا عزومي وقواك

بعض الشعور اكبر من الشعر عدّه
تركته بصدري يجاور خطاياك

واليا طرالك وصلنا بعد مدّه
خل المواصِل دعوة في مصلاك

.....

‏ليه اشغل التفكير بالربح والربح
‏عند اللي لوجهه اصلي صلاتي

‏يارب ترزقني معَ طلعة الصبح
‏رزقٍ تغيّر فيه مجرى حياتي

آمين

كبرت ومامعك غير القلم والفكر والقرطاس
وبيتٍ مابقى من روحه إلا هالة سراجه

تعبت وقلبك المؤمن يناجي جرحك الخنّاس
لا يكشف عورة أوجاعك مادام الناس هراجه

تعبت تشوف وجهك في عيون الحزن والجلاس
تعبت تصارع المجد التليد وعاتي أمواجه

تعبت وريح همّك في ضلوعك تقرع الأجراس
تعبت وحلمك المنفي بجوفك تلمح إحراجه

تمرك سالف الذكرى ويجرح خاطرك لا باس
وتركض في مسافات السنين وتلعن الحاجه

وتاصل لآخر حدود المواجع ناحلٍ حسّاس
تهزّك نسمة الماضي وحلمك يسحب أدراجه

.....

‏يضيق البال من جرح الزمان وخاطري مكسور
‏تقول الضيق كله لا زبن يزبن على صدري

.....

‏استغفر الله من طيشي وتقصيري
‏الطيش بالذنب والتقصير بالطاعة

‏يا عالم بـِ بكل ما لا يعلمه غيري
‏رحمتك قبل القبر والحشر والساعة

آمين