فوق هام السحب ( الشعر الشعبي) على متن القوافي

اللي يجي من عقب قوة ومجهود
ألذ من مجناه كسرة عناده

.....

في زحمة الإعجاب وود الحضور
وش مطمعي بغيرك وأنا كلّي معك

أحيان تاكلك المظنّة بلا شعور
وأنت الذي تحكم فؤادي باصبعك

ما اخترتك من الناس ياوجه السرور
لأجل أزعزع من ثباتك وأفزعك

لوك تشوف آثار حبك بالصدور
كان اقتنعت إني مُحال أستشبعك

.....

تعال ونِلم النسّايم في وعدك
ونحنّي الريضان ونكحّل هلا

ونسمي الحزّات تبشر في سعدك
وندنى لأدنى نبض فينا ونْعلا

ويبدأ حديث الماء يسلسل مِن بردك
قصة حياة الماء من أولها إلى

مساعد الرشيدي

ياسعود كان الناس يدرون عن شيّ
أشياء ترى ما تدري الناس عنها

يدري بها اللي يازن الشمس والفيّ
مكفّن أسرار القلوب بكفنها

أنا بشر، وشتّى هموم البشر فيّ
وإن شفتني مانيب جزعان منها

ترا ما غير أضحك وأجاملكم شوي
"وأدمدم" جروحٍ نبشها زمنها

سفر الدغيلبي

خل في صدرك على الدنيا قبول
واعرف إن الشمس تشرق لو تغيب

وعوّد لسانك ليا ضاقت يقول
الأماني في رجاء الله ما تخيب

.....