فوق هام السحب ( الشعر الشعبي) على متن القوافي

ودي أسمع صوتك اللي لاسمعته
من عميق الحزن للفرحة خذاني

ودي أسمع صوتك اللي من فقدته
صرت فاقد كل حاجة في زماني

.....

‏من سنين وحبيبي كل يوم في دبور
اعقد امال عمري ويعقد حاجبه

عشت الايام في ضيقه وعشت بسرور
مثل من عاش في وضعً مهو عاجبه

ما ترديت معه ولا لحقني قصور
قبل يقفي خذا حقه واخذ واجبه

.....

رسمت حلمي في الخـيال الـواسـع
ومــالـي الـقـدره عـــلا تـحـقـيـقه

ضاعـت سنيني والسفر متـقـاطـع
والـوقـت حملني وجـع مـاطـيـقه

مــا بـيـن آهـات الـزمــان الخـادع
ذا يبـتـسـم والـسـم الارقم ريـقه

لازلـت اواصـل حلمي المتـواضـع
وأرسـم طريـقه وأبتـدي توسـيقه

عسـى مــع الايـام يـصـبـح واقـع
مــا دام ربــي مـا قـطـع تـوفـيـقه

.....

قالوا تمنى قلت ماعاد أبي شي
غير السلامه كان فيها سلامه

طويت حلماً كان في خاطري حي
وصديت عن دنيا الشقا والندامه

.....

من تركني ساعة الضيق ماعاد ارتجيه
لـو يوقـف في العـوافي على طاقـيته

الكريم الصح من يعطي اللي في يديه
والبخيل الصح من يبخل بجاهيته

.....

‏بعض البشر ياتي على جروحنا شاش
‏وبـعـض الـبشـر يـخفي علينا دواها

‏لـكن على ما قـيل عـيـني لك فـراش
‏والـعـين الأخرى للرفاقه غـطـاهـا

.....

صف النوايا واذكر الله وترتاح
واللي تشوفه قابله بابتسامه

خلك وسيع البال طيب ومزاح
ترى الزمن ما يستحق الملامه

.....

ياليتني ماطبت في بعض الاشكـال
اللي استغلّو طيبتي واتعبــوني

ارخصـت لاجل رضـاهم الحال والمال
وان جيت اذكــّرهم بطيبي نســوني

وان جيت اجادلهـم تراجعت فالحال
بس الوكاد ان الرخوم جحــدوني

تعبت اجـامل والثمـن راحة البـال
وصداع راسـي والسهـر في عيونـي

.....

جعل القلوب اللى له القلب يشتاق
‏تصبح وتمسي بالهنا والسعاده

‏وجعل النفوس اللى تحلت بالاخلاق
‏تصبح وتمسي ماتشوف النكاده

.....

مستحيل ترجع الدنيا مكانة شخص غالي
ساعة انه طاح من عيني مثل ساعة وفاته

.....