فوق هام السحب ( الشعر الشعبي) على متن القوافي

‏لو مابقى من مفاتنها سوا الشامتين
‏يكفيني أنها الحياه اللي تمنيتها
‏
‏على كثر ماشكت من مجريات السنين
‏عن كل دمعه ولحظة حزن نسيتها

‏تطلب واقول العيون ملبيّه عين عين
‏حتى لو مرادها قتلي ما رديتها

.....

‏لاتسهج آعراض خلق الله وتشغلها
‏جــوّد لسانـك تــرى الايام دواره
‏
‏من يفتـح ابـواب غيـره ويتختلها
‏بكره لوجه الشماته تنفتح داره

.....

‏على قربه تطيّب الحنايا من الصدمات
‏مثل ما تطيب القاع لا علّها الوسمي

‏معه ما أتقيّد فالسواليف والضحكات
‏ومع غيـره أدق الثقل واغدي رسمي

.....

ماعاد ينفع فالشدايد ولد عم
مار الله الله فالدعاء والصلاوات

ماتو هل ابشر وازهل وتامر وتم
ولا الردي لامنه نفعه ولا مات

.....

الخطوه اللي ما تعزك بممشاك
لا تهتويها واقصر المشي عنها

لاصار ما ترفع مقامك بدنياك
احذر اتجاملها وترخص ثمنها

.....

عين الردي يقصر نظرها من الطيب
لو كان شوفه شوف زرقا اليمامه

يغويه شور قريـّبين المحاضيب
ويعميه من كسب الجميل الرخامه

.....

احفظ المعروف لاتنكر حصيله
والجمايل ردها للي فعلها

كل حاجه تتخذ حسب الفصيله
والفصايل طيبها من طيب اهلها

.....

ياقاضي الحاجات يامالك الملك
لا تحط لي بيدين الأنذال حاجه

يارب لوهي حاجتي أبره وسلك
جودك شرف وأفخر بجودك وتاجه

آمين

يالله بـرزقٍ يـدفن الـفـقـر فالقـاع
ويمسح عن الوجه المشلهب رسومه

تفتح له ابواب السما كل مصراع
مـاحال من دونه موظف حكومه

.....

بغينا عليك نمون حتى علينا تمون
فتحنا معك باب الميانه وسكرته

ورحنا وطبقنا المثل طيب المضمون
تلق الخلا وابعد عن الداب وشجرته

.....