فوق هام السحب ( الشعر الشعبي) على متن القوافي

يامدور عن عيوبي منت لاقي في عيوبي
غير وقفه ماتوقفها انت واللي خلفوك

.....

عظيمه كنها قصرٍ تعلّى نايفات السور
رقيقه كنها وردٍ تفتّح وسـط بستانه

.....

ابتعدتي ولا حصّلت عقبك نديم
غير الابيات يوم اقف على بابها

آخر اللي بقى لي منك عطٍر قديم
اثر عمر الهدايا أطول من اصحابها

.....

خلوه يزعل لين ترضيه الايام
وعقبني الفنجال لارحت اراضيه

اللي زعل باوهام ترضيه الاوهام
خله على الصده ولاني براجيه

تركي العريدي

والله اني عارفن ما على الدنيا مقام
من رجاها مثل راجي سراب القايله

الحظيظ اللي توجه لربه واستقام
واشترى الدار الاخيره بدارن زايله

دهلان شداد السبيعي

هو مات بس انا في داخلي حي
وشلون يموت وداخلي ذكرياته

يارب نوّر قبره بكامل الضي
اللي عجزت لليوم استوعب وفاته

رحمك الله يا سلطان

احب المكان اللي يبعدني من اعداي
ومن عشرة اللي ما تحمل معاشرته

وان جيت بمكان وفيه من وده بفرقاي
اجنب مكانه واترك الداب وشجرته

.....

يامل قلب ٍ يلوعه طاري الفرقا
كما يلوع الحمام الورق شيهانـه

إن حوّلن حوّلت وإليا رقن ترقـا
متعليّتهـن وهـي حدمه وجيعانـه

على وليفٍ نحا مع روق عن برقا
عليه عيني بصاف الدمع غرقانه

أبوثـمـانٍ رهــاف ودقــةٍ زرقـــا
موتي ولا صدته عني وهجرانـه

.....

خِف نفسك للخوي والعواني والضيوف
وان لقيت اللي يَبا يزم نفسه ِزمّها

لا تراخى فالمواجيب وتطيع الضعوف
خَمّةٍ تمشي عروق الردا في دمّها

اقِف في موفقك لو كان ممنوع الوقوف
وان نصحك قليّل العِرف يا ويل أُمها

مطلق بن دعيج

لا قل عرف آلعقول وطاح سعر آلكلام
سلم على آلصمت لا منه حفظ قيمته

متعب بن مرزوق