فوق هام السحب ( الشعر الشعبي) على متن القوافي

‏تهب الهبوب وقصدها خاطري بالذات
‏تعكّر مزاج البال وتفرّح الشامت

‏اقوي عزومي واتناسى عن اللي فات
‏واشادي جروح القلب لا منّها قامت

‏شعوري مع الاحياء وقلبي مع الاموات
‏وعيوني عليهم لا تهنّت ولا نامت

‏يقولون ساكت ليه ماتسمع الاصوات
‏وانا لي حوالي عام اسولف على الصامت

.....

‏دنا من عناقيد الطواري لضيق البال
‏مايملى عتيم الليل وقلوب سماره

‏تلاشى الكلام وهل غيث الشعور وسال
‏وتمادى الحنين و طلت عيون نواره

‏سمية قنا عذبة موارد عصيّة جال
‏تباشر على ميلادها الريف واشجاره

‏ربت مع بنات الريح والشعر والامثال
‏عنود الريم وبنت شرهه وقهاره

.....

‏حتى لو تمثّل لي ان منت بحزين
‏انا ادري ان الحزن ياكل منك اكل

‏مثلك مايستاهل جروح ودمع عين
‏ضيّعتني منك وانا مالي شكل

.....

السعي في الحاجات ومساعد الغير
‏هـذا الرصيد الباقي اللي يسرك

‏وان كان مالله قدّرك تفعل الخير
‏على الاقل امنع عن الناس شرك

.....

‏إن شانت الدنيا ترا العمر مقسوم
محدٍ حياته جت على ما يريده

دايم تفائل بالأمل واترك اللوم
عش لحظتك واللي مضى لا تعيده

....

‏طيبك مع آلطيب يزيده نقآوه
مثل آلذهب ينفعك دآمك حشمته

وطيبك مع آلخايب يزيده غبآوه
من ضعف عقله يحسبك ما فهمته

.....

‏لا تفتش في الملفــــات القديمه
‏لا ذبحت الداب فأدفن معه سمه

‏الرجل لا يصبح لســــانه خصيمه
‏يهلك الرجـــــال من منطوق فمه

‏كلمة يمكـــن تفكــــه من جريمه
‏وكلمة يمكـــن تســـبب له مطمه

.....

اقطف ثمر دنياك وابعد عن الياس
‏اضحك وعيش و تـــالي العمر بايد

‏مهما تسـوي طيب ما ترضي الناس
‏من خلقة الدنيـــا رضى الناس كايد

.....

‏ليه أعاتب وأتضايق و أنقهر
‏وانت قلبك في غيابي مستريح

‏كنت أشوفك في ملذات العمر
‏شخص تفداه القصايد و المديح

‏و إنك واحد بس تكفي عن عشر
‏وأن غيرك لي خطا وانت الصحيح

‏جيت لك صادق بدربك مستمر
‏مندفع لك مهتوي واضح و صريح

‏ليت قلبي عن هوى قلبك نفر
‏مارجعت من الهوى ضايقٍ جريح

.....

‏على النقا مانيب من تحت لي تحت
‏طلـيـق وجـهـه وعـني الـشـك زايـل

‏يشق سيف الوقت صدري ولاصحت
‏و تـمـايل حمولـي و انا مـاتـمايـل

‏كاتم و عـمري للمخـالـيق مابحت
‏و لو طالت الايـام مـاني بقايـل

‏ابـيـهم يـقولون بكرا ليا طحت
‏بلاه والله كثر ما كان شايل

.....