فوق هام السحب ( الشعر الشعبي) على متن القوافي

الله يعطي ابوي من عمري عُمر
‏والله لا يجعل لي من دون امي حياة

آمين

غلطان من قال البشر ما بهم فرق
أحـدٍ دوى للقلب وأحـدٍ يعله

.....

ايام عاشت بنا وايام عشناها
وايام ما كنّها عاشت ولا عشنا

إمّا بدايات بآلـغـنـا بمعناها
وإلا نهايات لم يبقى لها معنى

.....

‏لا تْغيب وأنت المصير اللي مامنَّه هروب
‏وإشراقتك تسلب النجمات من ليلها
‏
‏وشلون أضيق بحضورك وانت كل الدروب
‏اللي ليا ضاق صدري سقت رجلي لها

.....

خذاك الغياب وماخذاني عليك الغل
‏عشان السنين اللي مضت ماقدرت اقوى

‏احبك ولا عندي لنسيان عينك حل
‏موادعك شي اكبر من الحزن والبلوى

.....

تمر البال يا زهر الصباء معْ غاديات النود
‏ حديث أحلامنا يصعب على الملهوف نسيانه

‏معك ذقت الأمان ومعك أحس إني بدون قُيود
‏ أنا قلبي أمانة في يدك و يشوفك آمانه

‏يا كم عاشق تهاوى في بلاطك يالعيون السود
‏ يجاهد فيك نفسه والعيون السود فتانة

.....

لقيتك امل من ضاع عمره ورى الحرمان
‏وبديتك و انا اشوفك عوض ماضي ايامي

‏جمعني معاك اليسر عقب العسر سبحان
‏من يضحّك الخافق بعد جرحه الدامي

‏تحضنت وصلك كني الضامي الهلكان
‏يالين ارتوى فـ مواصلك قلبي الضامي

‏عليك الغلا منساق والشوق شانه شان
‏وعليك الرضا يا واهس الشعر و الهامي

.....

‏تروح مْن السنين أقسى السنين وينولد ترحاب
‏إذا شفتـك و حسّيت الليالي .. معك محفوفة

‏أضيق و معك تتيسر ظروف وينفتح لي باب
‏ورحاب الارض تاتيني على البيبان مصفوفة

‏وهبك الله إلى قلبٍ ماخاف من الزمان شجاب
‏مدام إنْك الحبيب اللي لغيرك العين معيوفة

.....

شعوري يوم أحس إن النصيب أقوى من الاهداف
‏شعور اللّي تصيبه في ضلوعَه طلقة المحتلّ

‏أنا مهما نقلت من الحمول اللّي ماهي بخفاف
‏أشوفك حلم لا يُعلى عليه ولغز ما له حل

‏مع إن الناس من حولك كثير ولا عليك خلاف
‏يراودني شعور إنك حَبيبي يا حَبيب الكل

.....

ياحرفي الي ضاع مابين الدفاتر والرفوف
‏اللي رسمته من تنهاتي ومن حبر قلمي

‏ضحيت لاجله في حروف وقمت لاجله في حروف
‏وصبرت لو النار من فوقي ومن تحت قدمي

‏يا صاحبي يالي على شانك تحديت الظروف
‏مهوب انا الي تتركه بين الخناجر والسيوف

.....