فوق هام السحب ( الشعر الشعبي) على متن القوافي

إذا صار لك شخص تحبه وتغليه
وحالت ظروف الوقت دونك ودونه

حاول وحاول قدر الامكان ترضيه
ومن لا يخونك لا تحاول تخونه

فتى الجوف

شريت لي معزا علشان أبنساك
ولقيتها بالحيل تشبه وصوفك

العين عينك والحلايا حلاياك
وحتى الوقوف أحيان يشبه وقوفك

وحتى مقفاها يشابه مقفاك
نفس القفى ممسوح كنه ردوفك

ياكيف أبسلى في حياتي وأبجفاك
وأنا وحظي فالبهايم نشوفك

.....

الشوق ما يفهم ظروف ولا عذر
الشوق يعني وينك أحتاجك تعال

.....

أجمل صدف عمري على مرّ الأعوام
ساعه تلاقت نظــــرة العين بالعين

صدفه بلا موعد وبك خافقي هام
ومشيت في درب الهـوى والمحبين

.....

‏إي والله إني أنطح الدنيا بقلبٍ من حديد
‏لكن سلم لي على قلبٍ ليا شافك ذوى

‏قدام وجهك تنحني الأغصان ويذوب الجليد
‏وقدام صوتك تمطر الأمزان ويهب الهوى

.....

عاملني بلين لا ترهي علي بقساك
‏انا من الحب ما ارد القسى بالقسا

‏اهتز لك قلبي اللي من حنينه كساك
‏وانا فريدة من الإحساس ومن النسا

.....

‏يا دربٍ من طمأنينه مثل دعوة رضا وآمين
‏وقلب أشوف به ربعي وكل أصحابي والخوّه

‏جيت بوجهك الواحد ووقفاتك عن العشرين
‏وخابت ناسٍ بعيني ولا خيّبت لي هقوه

‏يا جعل يفدا تبسّامك ردّي القوم وأبو وجهين
‏بوجه همومي بسماتك ذخيرة قلبي والعزوه

.....

غيابك حضورٍ له بصدر البيوت شهود
‏وش اللي يغيب ضحكتك والغلا ثابت

‏أحنك مثل ما أحن وجهي من المنقود
‏وأعدك ليا عديت الأيام وش جابت

.....

بعض البشـــر تغليه لو ما تشوفه
يجذبك له شيٍ غريب بالإحساس

تسمع كلامـــه ثم تقـٌـرا حــــروفه
‏تبحر معه تنسى مشاكلك والناس

.....

يسريني الحنين اليا لمحت من الوله تذكار
‏وأنا كل ما يسريني الحنين أدورك وينك
‏
‏حبيبي حافظِك بين الحنايا والقلُوب اسرار
‏ترا ما بيني وبينك بقى ما بيني وبينك

.....