فوق هام السحب ( الشعر الشعبي) على متن القوافي

صغيـرٍ بسنّـه غير عندي ما هـو بصغيـر
يا مـغلاه في قلـبي ويا كبر مـنزلـتـه

أجمَع له سمان الهرج خوفٍ من التقصير
واذا جيـت ابـشـرح له كـلامي تهيـزلـْته

يجيني منّه هيبه معزه سحى تقدير
اقـابله عـندي علم واروح ما قـلـته

سعد بن جدلان رحمة الله

سلام الله على أول من عزف جرحي من الأحباب
‏سلام فيه من عمق المحيط وعرضه وطوله

‏على إللي قبل أعرفه ما أنفتح للحب عندي باب
‏جميع أبواب قلبي عن جميع الناس مقفوله

‏أحبه وأعشقه وأغليه والدنيا جناح ذباب
‏ما تسوى في عيوني هندبة كابه ومريوله

.....

‏ودي بقـربك واحـــلم اني احاكيك
ويشدني لك شــوق صمته ذبحني

دايم بعـيني ويـن مَا رحـت الاقيك
حبك ترى عن حب غيرك سـرقني

يا ساكــن أعماقــي أنا ميتـن فيك
وعشقــك تملكني وحبـك اسرني

وعقلي بكل الوقت يسرح بطاريك
والشوق لك ياحـب روحي حرقني

.....

‏لا زلت اللي ورا قوس الحنايا باقي وموجود
‏على كثر الوجيه العابره ما حركت ساكن

.....

على ما تشتهي خذني معك يا شوقي المعتاد
‏الا ياروح روحي وين ما ودك أنا راضي

‏ توسّدني وطن لو ما وسع صدرك فضاء وبلاد
‏أنا كل الدروب اللي تبيها حاضر وماضي

.....

لي متى عمري موقف والسنين تفوته
‏ليت الايام اللي راحت ترجع وتاخذني

‏فاقد الي مستحيل ارقد ولا اسمع صوته
‏جعل يسقى يوم انام وتيلفوني باذني

.....

‏لو يتيح العمـــــر فرصــه في حياتي
كـان ماحبيـــــت فــي الايـام غيرك

انت غايــة مطلبـــي وانـت امنياتي
وانت قصـري في الهوى وانا اميرك

اعشقك عشق الهواء مـن كل ذاتي
واعشقـك كلك مـع شـرك وخيرك

واوعــدك مادام باقـي فــي حياتي
والقسم طول العمر ماارضا بغيرك

.....

ماعادك اليوم ياصبري الجميل بـ جميل
‏تناهشتك الظروف وشـوّهت صورتك

.....

‏سامح الله من خذا مني هدوي وإرتياحي
‏لين حدني على بعض الأمور اللي مابيها

‏مرحلة مدري متى تعتقني وتطلق سراحي
‏ما قدرت أعيشها ولا أنتقل للي يليها

‏لو تساعدني خطاوي رجلي بحزة مراحي
‏من يساعدني على روحٍ يدب الشوق فيها

.....

استر عيوب الناس وتعيش مستور
الله خلق والله عن الناس ادرى

.....