فوق هام السحب ( الشعر الشعبي) على متن القوافي

‏اناشــــدك بالله يا شــــوق باللهون
قلبي فقـد يا شـــوق كامــل عزومه

على الحبيب اللي في الروح مدفون
الغايـــب اللي في خيالـــي رسومه

ياشوق خذنـــي وين ماكان ويكون
ودي ازور الحـــب واعــرف علومه

حتى ولو قالـــوا لي الناس مجنون
انا اعرف المجنــون ماحــد يلومه

.....

‏ما غفيت اليــــــوم والبارح كذالك
حيـل انا تعبــان واشواقـــي ثقيله

حالة الاشـــواق ماترحـــم لحالك
دائماً تغـــزي القلوب المستحيله

ياخفـوق القلـــب بالله ما جرالك
جاوبيني الشـوق من اشعل فتيله

ادري ان البُعـد حطـم لك منالك
يا حبيـــب الروح ارحمنـي قليله

.....

من علق آماله العظمى بربٍ عظيم
ما شال حمل الليالي السود مهما جرى

.....

اعذب صباح الخير من قلب و لسان
لاعذب حبايب مثل غيث السحايب

صفوة بقلبي قدرهم عالي الشان
صباحكم خيرات يا اغلى الحبايب

.....

بالخير يا زين البشــــر جيت امسيك
يا من فــؤادي مــن صميــمــه يحبك

واكتب حروف الشعر واهدي معاليك
ورود وافــرش محتــــواهــــا بدربك


.....

الصدر ضايـق والعرب مـادرت بـه
‏وين الذي لا ضاق صدري فهمني

.....

‏سكوتي عن الزلات ما هو سكوت الخوف
‏وانا اقدر على تلجيم الافواه وحكاها
‏
‏تشيمت والزله ليا جت على المكشوف
‏ليا وحيتها سويت ماني بوياها
‏
‏على سلمنا المتوارث الواضح المعروف
‏تعلمت اهمشها كذا واتناساها
‏
‏انا من كثر ما شوف كني ما عاد اشوف
‏تعرّض عليّ المخطيه واتعداها

.....

‏انطق بقول الحق والحق راحة
ما فاد في العالم فنون التعامـل

جاملتهم يقلون وين الصراحة
صارحتهم قالو ما تعرف تجامل

.....

‏كنت ابيك تكون شي وصرت شيٍ ثاني
‏والخطا ما هو خطاك انا الخطا بعيونه

‏يوم اهيم بصوتك الفيروزي الرحباني
‏وآتخيل كل كلمة من فمك موزونه

‏خاب ظني ليت ظني فيك ما خلاني
‏ابني احلامي على حاجه ماهي مضمونه

‏وليت ماجاني من احساس الندم ماجاني
‏شيٍ يحطم صميم القلب قبل ركونه

‏الجفا اللي عقب لذة وصلك الإنساني
‏والسلام البارد اللي عقب طول المونه

‏اعتذر لك عن خطاب اسلوبي الوجداني
‏الآدمي مهما حصل يبقى رهين ظنونه

.....

‏لا تحط المشاعر بين كيف وليه
واضحه لو تركز فالشكل والذات

المحب الحقيقي لا تشكك فيه
اذبحه بس لا تطلب عليه اثبات

.....