فوق هام السحب ( الشعر الشعبي) على متن القوافي

بارك الله بالهوى والليل وأنفاس المدينة
‏وقصّر الله خطوة الغالي وقلل من سفرها

‏استراح الضيق وايديني مشابك في يدينه
‏ودّي إن سنيني بذيك الثواني مختصرها

‏كيف يقدر شخص يجمع راحة الدنيا بعينه
‏لا نظر لي كنّه يجمّع ذنوبي ويغفرها

.....

‏اعتقد والحياة بكبرها مُعتقد
‏مبتداها وصول ومُنتهاها رحيل

‏عشّ كمَا شئت لا مُنكر ولا مُضطهدّ
‏وايقن ان ما ورى غيب المنايا دليل

.....

اشوف واسمع واميز فالعرب وأدري
واعرض عـن علوم ٍما كنّي بها داري

.....

لا تزيد المواجع خلني قد نسيت
لا تقلب بقلبي صفحة الذكريات

.....

‏لا تدور من ورى العالم شعور
‏اشعر بنفسك ونفسك تشعرك

‏وأي واحد قال لك هذا غرور
‏قول له بكره تجي واذكّرك

.....

‏لا تامن العالم ولا تامن الغيب
‏دنيا تقلب بين حزن وسعاده

‏واللي مع الله ما يجي قلبه الريب
‏والله يدبر ما يشـاء في عباده

.....

‏من حبه الله يحبّب فيه خلق الله
‏لو كان ماهو من الأسيـاد والسّاده

.....

‏لو مالت ظروف المقادير ما ملت
‏الراس صامل والمنازل رفيعه

‏واذا تحدتني هموم الزمن قلت
‏بكرة تزين ورحمة الله وسيعه

.....

‏العمر ماهو خطأ لا راح لجل أجودي
‏يستاهل العمر منهو بالمواقف عطى

‏أما الرفيق اللي تعرفه رخيص وردي
‏هذا هو اللي وجوده في حياتك خطأ

.....

‏ماني بربان لكن الزمن رباني
‏سابح سبع البحور اللي محد سابحها

‏لابغيت العقل عقلي بالعرب قداني
‏وان شطحت اشطح بشطحه محدٍ شاطحها

.....