ديوان قصائد لشعراء المملكة العربية السعودية (متجدد)☘️☘️

أنصحك ياصاحبي بالهون

يالذيب صدري ترى مردوم
للشاعر ابو عبد الله

طيفه مافارق وله بالقلب مرسى

مجاراه

لصاحب اللي مادرى عنك خلّه
مانته على مثله وشـرواه مجبور
عليك في كفـوٍ يشـرّف محلّه
طبيعته دايم يرحب ومسرور
وان كان تبي العلم دقّـه وجلّه
اعرف ترى بالناس حاقد ومغرور
وسـيف الخيـانه والغـدر لاتسلّه
خلّك حكيم وبيرق العز منشور
الصريح

احيان تلقى من الاصاحيب عله
دوّر على اللي بالمواقيف مخبور
ابوعبدالله

ودي بديره تسعد القلب والعين
وترتاح روحي من تعبها وعناها
ياناس دلوني ديار الحلا وين
ودي اداوي خافقي من حلاها
عبده الشوحطي

للقنفذه وجّه ولاتقول بعدين
نبع الجمال اللي نبع في حماها
فيها الوفا والطيب يبقى عناوين
نغلي الذي فيها ترى من غلاها
ابوعبدالله

قدام عينك شفتهم ؛ يجرحوني
وابشرك منهز بالرآس ،،شعره
مثلك ،،مع شرواك ،،مايلزموني
ماينومن ،مثلك ،،مع الوقت غدره
شفت المكانه اللي لكم في عيوني؟
هدمتها ،قبل ان يجي فجر بكره
ابوعبدالله

لازال عندي امل إنك
ترجع ولوطالت المده
حبيبي مالي غنى عنك
من بعدك الروح منهده
ابوالبركي

احتاج ،وقفة ،،وفا منّك
والشوق لك واصلاً حده
نسيتني ،،يالغلا ،كنّك؟
مرهون قلبي معك رده
ابوعبدالله

ياليت لي قدره على الصبر

وين الصديق اللي الى صابني ظيم
ياقف معي وقت الصعايب ويجزم
ليه ثلاث السنين اطرد وراى غيم
وعجزت اللاقي بالمخاليق. محزم

هليل سالم المحمدي


ابشر بعزك ،،كلنا ،،يالكفو ديم
نروي ظما الظامي وللظرف نهزم
حسب السلوم الرائعه والمفاهيم
أبشر،، وحدد ،، ،مابغيته ،، وعزّم

ابوعبدالله

طابت خواطرنا ولاعاد نبغاك
كلمات ابو عبد الله