ديوان قصائد لشعراء المملكة العربية السعودية (متجدد)☘️☘️

ياوطن ماألوم قلبي في هواك
للشاعر الدكتور حامد الشمراني����

قصائد الشاعر:مبارك بن عثمان بن ثواب الشمراني


مبارك عثمان ثواب

افتراضي قصيدة مرسله من الشاعر سعد عبدالله حنتم الشمراني
البارحه بيني وبين الغلا شوق ***** الشوق واضح والغلا مستهيفي
خلاني احرك لواليب صندوق ***** وابحث عن الشعار واسل سيفي
واقول قول لابن عثمان ماثوق ***** انت زعيم العيز وانا رديفي
عز الله انك في نواياي مرموق ***** تأمر على صيفي وتنهاء خريفي

الأخ احمد بن زايد الشمراني
السلام عليكم ورحمة الله وبركاته:
أولاً : أشكرك كل الشكر على القصيدة الرائعة والتي كتبها الأخ الغالي مبارك بن عثمان الشمراني ولا يستغرب منة مثل هذه القصيدة فأنتم من أسرة عريقة (أسرة آل ثواب) والتي اشتهرت بالشجاعة والكرم والشعر ويكفيكم فخراً بان جدكم (ثواب) رحمة الله كان احد الفرسان الذين وقفوا إلى جانب جانب الملك فيصل رحمة الله أثناء فتحة المنطقة الجنوبية.
ثانياً : فأنا لست بشاعر وأرجو منك ومن خالك وكل من قراء هذه القصيدة المعذرة.
ثالثاً : ففي منظوري بأن خدمة الرفيق لرفيقة مهما كان شرف وواجب في نفس الوقت وانت تستأهل يا أبو زايد


فيـــــك البقــــــاء تثنـــــا لكــم بالتــراحيــب *** ونـــــكــــرر التـــرحيــب والله يحييــــــك

يــــا مــن مـدحني بالــوفــاء قبــــل لا أشيـب *** الطــيب في مــثــلك فخر جعل مبكيـــــك

مـــــن لا نـفـــــع ربــعـــــة وأعــــز الأقــــاريـــب *** وش عـــــاد يبغــابــك إلى راح مـــاضيــك

لعلّنـــــا ديـــــم نحـــــوش المـكـــــــاســيـــــــــب *** وطـيبي لربعـي مــا يجي فيه تشكيـك
طــيبــي لـــربعــــي كنـــز في داخــل الجيب *** وإلاّ الــردي مـاهـو مـن المـــاء بيسقـيــك
فـعـــل الــوفـــاء في مثــــل شرواك ما يخيب *** يـا أحمـد ولــد زايـد وطيبك على ابيك
وســـلــــم علـــى خــالــك نَقِـــيّ المشـــــاريــــب *** اصيـــل وابــن اصيــل بالطيــب يوصيك
راعـــي مـــراجـــل وســـاطــيٍ(ن) بالمضاريب *** يــاعـــل خــــلاّقـــه يـظلـــــه ويـــحـــمــيـك
ووصـــــل تحيــــاتـــــي لأعــــز الأصـــاحـيــــب *** مـــــن أبـــــو علـــــي جــابـر تحية بياديك










وتقبلوا تحياتي أخوكم جابر بن علي بن ناصر الشمراني

بشايرنا العزيزة يوم شفتك قلت ما شاء الله*****تباهي في جمال فاق شكله كل الاشكالي

نعم يا مهندس التطوير شغله صاير فله*****و انا من يوم شفته مستريح و انشرح بالي

و جهود الطيبين من الرجال الللي على مله ***** تسوي شي باذن الله يغير بعض الاحوالي

يقول راعي المثل للناس يوم لك و يوم له ***** و دنيانا لكل الناس ما تبقى على حالي

فلا يا اهل البشاير خلو الدرب العوج كله ***** عسى كل الرجال الطيبين تشوف مرسالي

عسانا للتعاون و الطريق الزين ندله *****و لا نرضى شور جابه اللي من العقل خالي

فانا اشوف التنافس في علوم الطيب ذا حله ***** ومن خالف طريق الركب يرضى يصبح التالي







و سلامتكم

هذي القصيدة كتبتها في أحد ابناء شمران في ينبع الي هو جابر بن علي ناصر آل حارثيه الشمراني بعد طلب خاص من ابن اختي احمد بن زايد بن ناصر بن ثواب الشمراني وذلك لعلومه الطيبه والغانمه معه ....

يالله يالـلي تعلـم الجـهر والغيــب* تدري ولاحد(ن)بالخفــايا يدريك
ياعالم(ن)وش في القدروالمكاتيب *وتعلم نوايا صادق(ن)يوم يدعيك
نطلبـك جنبنـا الــرياء والعذاريب* أكيــد مانخفيــه مــاهــوب خافيـك
مهل لنا فأهل الشيم والـمواجيب* من حبهم وإلا الأمل والرجاء فيك
سلام ياجابر راعى المدح والطيب *سلام من ربع(ن)تعزك وتغليــــك
راعي وفاء من دون شك ولا ريب *وموفي(ن) قالة ربوعك وأهاليك
ومن روس شمران العصاه المناصيب *أهــــل الشيـــم ولنا تبين معانيــــك
صبيـهم يـأخذ مــن الــعود تدريب *علـى العلــوم الـغانمــه قبـل هاذيك
وطبع الرجوله والفعل والأساليب* لاشك لـعلــوم المـراجـــل تــوديــك
وفعلك مع أحمد في ديار الأجانيب *يوجــب علينــا مــانبيعـك ونشريك
ندري ان مالك من وراها مطـاليب* لكــن رفيـق الــطيب بالطيب يوفيك

قصيدة مهداه لأبو نايف
البارحة هيضــي تقــافت معــــــانيه ### لا شك يدفعني على الهـــيض تفــكير

احب راعي المــرجلة و اقتنع فــيه ### و لا عاش راس مـا يحب المـــناعير


فسلام يا رجل(ن) نـــحبه و نــــغليه ### سلام(ن) احلى من حليب المــغاتير


بو نايف اللي حاضره مثـــل ماضيه ### سعد الرفيق و سعد ربع(ن) مسايير


الاصل ساسه و الوفاء من مبـاديه ### و ما صار له مع جــور الايـام تغيير


دايم على العليا تسابق خطـــــاويه ### و يسعى لها لو طــولن المشـــــاوير


ما احدن من ربوعه هقا بالردى فيه ### حاشاه من درب يجــي منه تقصير


طبعه يجمـــع ما يفرق بنــــــاخيه ### و عز الله ان شرواه في وقتـــنا غير


فيالله عسى مثله تطول مـــــهاليه ### و يا رب مهل للـــوجيه المـــــسافير


الشاعر/مبارك بن عثمان بن ثواب

بعض العرب

بعض العرب لو كبر صوته على ويش ### يكبر على الفلات و العمر فاني

حتى ايش لو كبرت علومه و حتى ايش ### ندري انه ابن فلان و اسمه فلاني

يا ناس يا اهل الدعوجة و البخاشيش ### ما عمره افلح واحد دعوجاني

يبغى ينوش و مير ما من مناويش ### اللي ينوش اهل الصنان و عناني

و اللي ينوش اللي سواة ابرق الريش ### حر(ن) و في دوس القطا صيرماني

فيا الله تخارج من زمان الدراويش ### و كثرة علوم(ن) يالله المستعان

قصيده موجهها لشاعر/خلف بن عبدالله الواسي
الا ياخلف اطول صبري ومن مثلي *** يحاول عسى يكمل جميع المواجيبي

في اتلا زمان له شبوح خذت عقلي *** ومن هولها قمت اجتهد في مطالبي

خصوصا" ليا مني تذكرت من قبلي *** هل الموقف الي به تعلوا المراقبي

هل الحق واهل الطيب والمدح بالفعلي *** على منهج ماجمع الغش بالطيبي

مع دربهم يتعب راع الخيل والرجلي *** ونا منجبر لو بخطي الدرب واصيبي

وبرقب لراع الطيب مادام يرقب لي *** وراع الردى ماهوب لي من لصاحيبي

ونا دايم مابين النذل والخبلي *** ولا احب شور الاش لوكان يقديبي

هذا مختصر علمي وشي يناسبلي *** وافيدك ورى مثلك يفيد المكاسيبي

ويشرفني انسبلك علومك وتنسبلي *** فلا شك مثلك قد مضى له تجاريبي


هذا وانتظروا رد الشاعر/ خلف بن عبدالله

السلام عليكم ورحمة الله وبركاته

هذي قصيدة لي كأول مشاركة شخصية في هذا المنتدى وآخر قصايدي ولو أن وقت نشرها متأخر....فالمعذرة !!

القصيدة بعنوان "يوم الوطن" بمناسبة مرور ثمانين عام على توحيد المملكة..... اهدا للأهداف السامية
لمنتدى ربعنا و قبيلتنا شمران!!!!اتمنى ان تنال اعجابكم...




سلام فيه الوفاء و العـود الازرق بخور على ملكنا و دار الخـــــير منا ســـــلام

يا موطني دام عزك بالســــــلام معمور و جميع الاوضاع باذن الله على ما يرام

لا لا يهمــــــك عداة يســـكنون الجحور دونك جنود توثقهم بحـــــــبل اعتصــام

و يا شيخنا يا ملــــكنا يا طويل الشبور حنا لطوعك و رهن اشارتـــــك في ولام

آمر و تلقى العـــــــيال معربين الجذور ولا عاش راس يخون و لا يعصب العمام

و اليوم يوم الوطن يوم الفرح والسرور يوم يكمل مسيرتنا ثمــــــــانين عـــــــام

جات البداية لنا من الشـرق بشعاع نور نور به الخير فيه المــــــــجد فيها السلام

اقبل على الهون يقضي على الجهل والشرور لين الجزيرة غشاها النور عقـب الظلام

على يد الفارس الشهم الزعـــــيم الصبور وحد و اسس مسيرتنا المــليك الامـــــام

عطاه رب الملا و الــرجل عقل و شعور كل الدول حظــي منها بالــثقة و احتــرام

فيرحمكم الله ابا تركي ملـــــــــــيكا غيور بالفعل هذا الزعامة صـــــــدق لا بالكلام






الشاعر/مبارك بن عثمان بن ثواب الشمراني

بسم الله الرحمن الرحيم

قصيده للشاعر مبارك عثمان ثواب مهداه لشاعرنا الكبير/محمد بن ظافر الشمراني


سـلام الله سلام (ن)فيه خير وحايطه خيــره ****** سـلام(ن)بالعلـوم الطيبه راعيه مختـاره
من أغلى العود الأزرق فايح ريحه وتعطيره ****** وريحة مسـك متعوب عليه امنيد عطـاره
لأمير الشعر دكتور الأدب مافيه أحد غيـره ****** راعي الهيبه ليامنه وقف وأن شن له غاره
اخص به ابن ظافر يالله أن تحميه وتجيــره ***** عسى المولى ليامن الصواديف اقبلت جاره
ووفانا والمـحبـه تندرج من ضمن تعبـيـــره ***** ونعجز نقدر التعـــبير لـه ياكــود بعــبــاره
ابو سامي وشاعرنا الكبير وطيب السيــره ****** خدم شعر المعاني حافظ (ن) معناه واسراره
مدام (ن) كل شاعر عند ربعه بان تقديــره ****** فبن ظافر زعيـم الشعــــر الا ياكبر مقـــداره
رحل شعر المعاني معه واللي باقي (ن)زيره ****** بلاه الله بنــاس حطمـوه وشلـــــــوا وزاره
فلا ياهاجسي لك صاحبن مـابان تقصـيـــره ***** وراعين المثل قالوا خيار الهرج في قـصـاره
يقوله شاعر(ن)واثق من علومه وتفكيــره ***** والأهداف الضعيـفه مانهجها منهج أفــكــاره
لزوم بالقدر نرضى وحكم الله وتدبــيــره ****** الأمـر امره وعالم في شئون الخـلـق وادواره