ديوان قصائد لشعراء المملكة العربية السعودية (متجدد)☘️☘️

شاهد "الشاعر حمد بن مسفر الشمراني عرش بلقيس / شعر واداء -- حمد بن مسفر

الكلمات :

أشهد إن الحب من بعد العداوه _ _ _ يعمي الرجال ويضيع صوابه
يادلع ياملح ياطبع البداوه __ _ _ فدوة المنديل الأصفر والعصابه
لا يذوب الثوب من زود الحلاوه __ _ _ فيه و الشكوى على الله من ثيابه
عود من ريحان يمشي بالهداوه _ _ ينقل الخطوه على صوت الربابه
لا بغيت إحساس وش معنى الشقاوه _ _ _ جرب تشوفه ملك وإلا كتابه
ألين من من اللين مافيه القساوه _ _ _ أختطف قلبي ومحرابه وبابه
شوفته تجلي من العين الغشاوه _ _ والثمان الحاليه برق السحابه
ياسقى الله وقت عشاق النقاوه _ _ _ لاذكرنا وقتهم نبكي صبابه

اخراج / سعد الشمراني

شيلة مهرها مصحف وسجادة صلاة للشاعر حمد بن مسفر الشمراني

قصيده (( عالم الشهره )) للشاعر// حمد بن مسفر الشمراني


ماجيت ادوّر معاكم عالم الشهره = = = ماني (منادي ) ولاني (خالد الفيصل)


لا صار ودّي بضحكه جتني العبره = = = انا كذا في حياتي (صلب) و(مدلل)


أحيان لا غابت الشمس انتظر بُكره = = = لا شفت نور الشفق قلت الفجر مجفل


أحيان ماميّز الجمره من التمره = = = واحيان أقول الحكم ويقال يا (مذهل)


أحيان ابعز الظهر ادوّر السهره = = = واسمع تعازيف (بتهوفن )معا (مزعل)


احياناً أمشي بعقلي والتزم امره = = = واحياناً افصله لا مويه ولا كيبل


أحيان أقص الأثر واضيّع الجُــــرّه = = = واحياناّ الرايح اناديه يا مقبل


احيان اقول الزجاج بينجبر كسره = = = واحيان ونّات قلبي صوتها بلبل


أحياناً الشمس ادلّعها بيا (قمره) = = = واحيان اصير الطبيب وقلبي المعتلّ


أحياناً انجح واقوم آعاود الكـرّه = = = واحياناً افشل واقول انّ الفشل ( جِنتل )


معي على الدوم دايم تسلم الجَــرّه = = = ولو تنكسر قلت من قال المثل أهبل

الحلم المثير للشاعر الجميل : حمد مسفر الشمراني

شيلة مايشتكي شمراني كلمات
الشاعر / علي ظافر الشمراني
اداء الشاعر / حمد بن مسفر الشمراني ( الطرقي )

قصائد الشاعر مساعد الشمراني


هذه القصيده للشاعر القدير مساعد الشمراني:

شعار دنياي الصبر و شعارها الدنيا كفاح
لا قلت يوم و تستوي ..مرت سنين وما استون

والله اني مقتنع باللي يصيب من الرماح
اصغر رماحك صابني يوم اكبر رماحك طعن

وفوق هذا ما سلمت.. انا اسمح ولا القى سماح
كل يمن بجيته ..حتى الدمع لا جاء يمن

ابوس راسك يا زمن..ماعاد فيني للجراح
خلاص يكفيني أسى .. ابوس راسك يا زمن

يا مكثر ذنوبك معي .. ما كل ذنب لك يباح
لامن زعلت وش تستفيد.. وش مكسبك من ذا الحزن

استسلمي يا عزتي لا صارت ايامي سلاح
كان نفسي اسعدك بس الليالي طولن

حاولت انا اشعل شمعتي بس المصيبه في الرياح
لاهي باللي نورن.. ولاهي باللي انطفن

اخترت في الدنيا ثلاث..الستر وانصاف وصلاح
و كرهت في الدنيا ثلاث .. لا و لايمكن و لن

وحبيت في الدنيا ثلاث الفن وامي و الصباح
و حلفت لا ما اخون الثلاث انتي و جاري و الوطن


الشاعر : مساعد الشمراني

علي بن سعد (الساهري)

حبيبتي ماني معلّم باسمها

بسم الله الرحمن الرحيم


حبيبتي ماني معلم باسمها
علمتني ما اعلم باسمها

واسمحتلي بس اوصف حسنها
تخاف يدري خالها او عمها

من زينها يحقد عليها زينها
ومن حسنها كل البنات تذمها

تضحك على طول ماتحب الزعل
وشهو العسل لوقلت يشبه دمها

اذكر في مرة اهديتها ورد وزهور
جت تشمه ذاب فيها وشمها

قلتوا القمر قلت القمر بدري عليه
وان قلتوا الشمس ماهي يمها

مدري وش أحلى شي فيها شدني
الله عليها لا تمايل جسمها

حبيبتي ماعانقت واحد ابد
بس النسيم اللي تجرى وضمها

حبيبتي ما حبت غيري احد
وما باسها في فمها الا امها



مساعد الشمراني

ماقال احبك

بسم الله الرحمن الرحيم


قالوا يحبك قلت لاتظلمونه
قالو يبيك وقلت ياناس تكفون

انا عرفته قبل لاتعرفونه
ماقال احبك انتوا اللي تقولون

انا دخيل الله لاتغصبونه
الحب من رب السما خالق الكون

قريت رده في محاجر عيونه
يقول انا هايم بغيرك ومفتون

خلوه في حاله ولاتغصبونه
حب الغصب لاريح لاظعم لا لون

هذي حياتي ليتك تفهمونه
كافي تزيدونه على طعون طعون

ماهو بكيفه يعشق اللي يبونه
الحب اعمى طول عمره بلا عيون



مساعد الشمراني

ارحم عيوني

بسم الله الرحمن الرحيم


ارحم عيوني لو عيونك تبيني
حرام هذا الحب تقتل معانيه

مو حب هذا اللي تسويه فيني
في فرق بين الحب واللي تسويه

ياساكن ما بين عيني وبيني
لاتصدم اللي صرت اغلى امانيه

جيتك بقلب شايله في يميني
كلمهتجيبهلك وكلمه توديه

ارجوك باللي باقي من حنيني
حرام من يسعد عيونك تبكيه

بالله شوفوا الفرق بينه وبيني
همه يزعلني وانا همي ارضيه

هذي قيودك حلها من ايديني
حب يذل القلب ياناس ما ابيه

مو حب هذا اللي يسويه فيني
في فرق بين الحب واللي يسويه



مساعد الشمراني