ديوان قصائد لشعراء المملكة العربية السعودية (متجدد)☘️☘️

شفته البارح
شفته البارح حكيت وحكالي
وعجبني اسلوبه وصدقه وقلبه

بعدها ماادري وش اللي جرالي
الله يستر قلبي لايكون حبه

الوضع مايطمن وانا ادري بحالي
الجمر رمد لين جاني وشبه

يا انه نوى يسهر عيوني ليالي
ولانوى ياخذ فؤادي بدربه

راح من عندي ووجهه قبالي
شتت افكاري ولاخاف ربه

ماهو بذنبي لو سرحت بخيالي
من يشوفه كلمتين ويحبه

اسوي نفسي قاسي ما ابالي
وانا من الهفه تميت قربه

راح من عندي ووجهه قبالي
شتتلي افكاري ولاخاف ربه

طول عمري عايش العمر سالي
عايش بحالي ماعرفت المحبه

واليوم انا مدري وش اللي جرالي
الله يستر قلبي لايكون حبه


مساعد الشمراني

لك يوم / مساعد الشمراني
لك يوم ياحارم عيوني من النوم
نفسي اشوفك تسهر الليل حسره

ليت الهوى في داخلك يشتعل يوم
ليتك تحس الوجد لو بس مره

كافي تعيش افراح واعيش مهموم
كفك بوسط الما وكفي بجمره

مدري الاقيها من الحكي واللوم
والا الاقيها من احضوض قشره

كنت احسبك من فرحة العمر مرحوم
لين اكتشفت انك بؤنس ومسره

حلفت قلت انك على الوصل محكوم
وانته حياتك مثل ماتريد حره

مومشكله كذبتك ياسيدي اليوم
المشكله وشلون اصدقك بكره

عن الغلط
ماعاش من يغلط على سيد الاحباب
مااسمح لاحد يخطي على نور عيني

عن الغلط في نور عيني اذا غاب
الحكم فيه اقسى من الحكم فيني

باسباب والا ياجماعه بلا اسباب
تجريحكم لا جاه كنه يجيني

شوفوا حبيبي لا حكا اطياب ماجاب
طاريكم بزين وشيني

ياعاذلي ماللوفا غير الاعجاب
وش دخلك مابين عيني وبيني

سنين انا وياه والظن ماخاب
مديون له بالحب ياكبر ديني

مرات قلتوا صاحبك يعرف اصحاب
ومرات قلتوا صاحبك مايبيني

حكي الحسد مايوم ودا ولا جاب
ادري بكم في صاحبي حاسديني


مساعد الشمراني

ياظالمة


ياظالمه زينك بشين السوايا
من وين لك قلب على طول جاير

ماابغى الدوا لاصار جرحك دوايا
باكر على الظالم تدور الدواير

اخر علاجي الكي وانت الكوايا
للحب عبره وانت قربك عباير

لو هو على زينك بنلقى صبايا
المشكله بالحب تعمى البصاير

الصبح واضح والخطايا خطايا
والربح من بعض الاوادم خساير

يانفس قومي عن غرام البدايا
وياقلب قبل تحب شاور وخاير

اولاد ناس ولا تحب الوصايا
كلن يرى نفسه يعادل عشاير

ماكل قلب ينشرى بالهدايا
ولاكل كسر تفيد فيه الجباير

المعطي الله مالخلقه عطايا
لو هي على خلقه سقتنا المراير

عزاي رب يعطي حسب النوايا
يرحم عزيزين الذمم والظماير

ناس تدس الهم بين الحنايا
وناس وربي مادرت ويش صاير

هذاك حظه مثل بيض الثنايا
وهذاك حظه مثل سود الظفاير

مساعد الشمراني

الصد و الهجران
الصد و الهجران ماهو بطبعي

مير فيك اتعدينا و ابتلينا

و شرع الجفا يا زين ماهو بشرعي

لكنك احيان تتكبر علينا

حطيتكم مابين قلبي و ضلعي

و اليوم اشوفك با الغضي ماتبينا

سلمتك في الحب سيفي و درعي

و حطيتلك في القلب شاطي و مينا

و اعطيت وصف و شوقي و دمعي

و ارخصتني وشهو السبب مادرينا

لاجلك نسيت اهلي و قومي و ربعي

لاجلك شربت المر و قلت يازينه
مساعد الشمراني

مانسيت !

مانسيت الدقايق والزمن والشهور

مانسيت انه اسما هم حبيته

مانسيت السوالف والعشق والبخور

مانسيته ابد يمكن تناسيته

البارح اقسم ماناديه بدر البدور

ونسيت حلفي له البارح وناديته

اي وربي احبه كثر مابه غرور

كثر ماهو بخيل وكثر معطيته

كثر دله عيال النشاما تفور

كثر ماني تقهويته وقهويته

كثر طولة ثيابه كثر قصر الشعور

كثر شده لحزني كثر مارخيته

كثر ماقلبه الابيض عليه يجور

كثير ماني عطشته كثر مارويته

كثر مافي القصايد من طروق وبحور

كثر صدقه وكذبه صدق حبيته



مساعد الشمراني

لي حبيب

بسم الله الرحمن الرحيم



لي حبيب من يحبه مااستراح
خلى حياتي كلها هم وعنا

ان قلت مااحبك زعل مني وراح
وان قلت احبك قال وش معنى انا

ان حكينا جد يقلبها مزاح
وان مزحنا مايعجبه مزحنا

ان وعدنا الليل جانا في الصباح
هذا اذا انه ماتناسا وعدنا

ياكثر مايخطي ونطلبه السماح
من قبل يتأسف نقدم عذرنا

ان هدينا الورد يهدينا يهدينا جراح
وان ماهدينا الورد قال الله لنا

الله يعين اللي شكا طعن الرماح
له حبايب بس احنا من لنا

مالقيت في محبته ارتياح
مانبي فرقاه لكن حدنا




مساعد الشمراني

شفته البارح حكيت وحكالي غ‌
من اروع قصائد الشاعر مساعد الشمراني


شفته البارح حكيت وحكالي
وعجبني اسلوبه وصدقه وقلبه

وبعدها ماادري وش اللي جرالي
الله يستر قلبي لايكون حبه

الوضع مايطمن وانا ادري بحالي
الجمر رمد لين جاني وشبه

ياانه نوى يسهر عيوني ليالي
ولانوى ياخذ فؤادي في دربه

راح من عندي ووجهه قبالي
شتت افكاري ولاخاف ربه

طول عمري خالي الفكر سالي
عايش بحالي ماعرفت المحبه

ماكل من شفته اناديه غالي
وماكل واحد ودي اقعد بجنبه

ارتحت له من يوم شفته قبالي
لان الحياه بدون شوفته صعبه

كلمــات الشاعر المتألق.. مساعد الشمراني

اوعديني تجين ....حاولي ماتجين

خلي الشوق يتمناك ..

مايوصلكـ

امنعيني حنانكـ ...واحرميني الحنين

واتركي لي مـ ج ـال ...

احن واشتاق لكـ ..

من يجي بالسهولهـ ...مايسمى ثمين ...

ومن لقيتي قبلي ,,,,جيت مايقبلكـ ....

قلت لك لا لا تكوني ...

طيبهـ ... تندمين

لا يجي يوم تقولي .. ماقلت لكـ ...

ماسهلكـ لا لا زعلتي ..


كيفـ ماتزعلين...

شفتي شلون صرت...


اقول يا ماسهلكـ....

وش خذيتي من ..القلب ..

الحنون الامين ...

وش كسبتي من اللي ...

قال لك ...مانبلكـ

احرقي هالقلوب .. جربي تكذبين ...

في يدكـ .... قلعتين ...

وخيل ..والجند لكـ ..

ياذكيه تراها ..كلها نقلتين ...

انقلي ذي بدل ذي ...

واصرخي ..

كش ملـــــــــكـ

شعار دنياي الصبر

بسم الله الرحمن الرحيم




شعار دنياي الصبر و شعارها الدنيا كفاح
لا قلت يوم و تستوي مرت سنين وما استون

والله اني مقتنع باللي يصيب من الرماح
اصغر رماحك صابني يوم اكبر رماحك طعن

وفوق هذا ما سلمت انا اسمح ولا القى سماح
كل يمن بجيته حتى الدمع لا جاء يمن

ابوس راسك يا زمن ماعاد فيني للجراح
خلاص يكفيني أسى ابوس راسك يا زمن

يا مكثر ذنوبك معي ما كل ذنب لك يباح
لامن زعلت وش تستفيد وش مكسبك من ذا الحزن

استسلمي يا عزتي لا صارت ايامي سلاح
كان نفسي اسعدك بس الليالي طولن

حاولت انا اشعل شمعتي بس المصيبه في الرياح
لاهي باللي نورن ولاهي باللي انطفن

اخترت في الدنيا ثلاث الستر وانصاف وصلاح
و كرهت في الدنيا ثلاث لا و لايمكن و لن

وحبيت في الدنيا ثلاث الفن وامي و الصباح
و حلفت لا ما اخون الثلاث انتي و جاري و الوطن



مساعد الشمراني