ديوان قصائد لشعراء المملكة العربية السعودية (متجدد)☘️☘️

كلمة شكر وتقدير لكل من ساهم في صلح قبيلة ( آل عامرن ) وعلى رأسهم الشيخ الكريم / مسفر بن عوضه و سعادة العميد / علي بن عمار وكل من معهم من ابناء شمران والشكر موصول لقبيلة آل عامرن كبيرهم وصغيرهم
بسم الله الرحمن الرحيم


سعدت كثيراً كـ غيري من ابناء قبيلة شمران بما سمعته و قرأته هنا في منتديات قبائل شمران , من انهاء الخلاف واستطيع ان اسميه اختلاف بين ابناء قبيلة آل عامرن , لأن الاخوان او الجماعه او القبيلة مهما حصل بينهم يبقى في اطار اختلاف وتباين وجهات النظر ..

و لأن هذه القبيلة ركن من اركان قبيلة شمران ولأهميتها نفرح بجمع الشمل و رأب الصدع بينهم وجمع كلمتهم .. ومن باب المحبه لقبيلتنا جميعاً نرى بأننا في حاجة ماسه الى من يتولى مثل هذه المبادرات ويسعى جاهداً ومشكوراً لإحتواء اي خلاف او اختلاف بين ابناء قبائل شمران عموماً .

فشكراً لهؤلاء الرجال اللذين بادروا وشكراً لأبناء قبيلة ال عامرن على قبولهم وسعة صدورهم .

ففي مثل هذه المواقف تتجلى الاخوة وروابط الدم والقرابه لترتقي فوق اي امر من امور الدنيا الاخرى .

هاضت مشاعري المحبه لقبيلتي ولابناء قبيلتي شمران واردت ان اسجل هذه الابيات وأسأل الله العلي العظيم ان يديم المحبه والاخاء الصادق بيننا جميعاً .
........................................

الأبيات
.
.


سلموا لـي على اللـي وقفته تعتـق رقـاب الرجـال

مسفر بن عوضه واخوانه يلا صاب شمران النوايب

مـالها بعـد ربــي غيـر مسفـر يوقـف دونـها

بـاذل(ن) مـاله وجـاهه لـمـا فيـه خيـر للقبيلـة

سـدد الله خـطـاه اللـي تمثـل بنهـج الـصالحـين

مالك الا جزى من واحداً مايضيع الفعل عنده

يوم نشر الصحف يجزاك ربي تسلم في اليمين

فـإن يمنـاك بيضا مثـل وجهـك وفعـلاً ما تـمـنـه

والـرجـال الكـرام اللـي معـك مـانسـينا دورهم

ابـن عـمار كـفو(ن) للمهمات و يـسـد اللـوازم

والثنى للذي وقف وساهم مـن اجل آل عامر(ن)

يـا اهـل الخيـر بـاب الخير مفتوح والدنـيا دنيه

والـرفق مـاتـدوم الا بفعــل القـلـوب الـصافـيه

وانتوا يا آل عامر(ن) ركن(ن) من اركان شمران العريقه

مـا نرضى فيكم ولا يسعـد قـلوبنا الا مـاحصل

اتـركوا غابر الدنيا و ردوا النظر فـي الاخره

اتـركوا غابر الدنيا وردوا النظر فـي الاخره

.....................

والسلام عليكم ورحمة الله وبركاته

اهداء الى الاخ الكريم الشيخ / علي بن عوضة الشمراني بمناسبة زواج ابنه خالد و الف الف مبروك
بسم الله الرحمن الرحيم


اتقدم بخالص التهنئه و التبريكات لأخي الكريم الشيخ / علي بن عوضه الشمراني
بمناسبة زواج ابنه خالد ولأسرة آل عوضه جميعاً .

.. ..

على وقفة(ن)ماهوب حب(ن) في التلفاز
لكن حب من لا قال لوماتجي باجيك


كرام الرجال اهل الوفاء اللي علي اعزاز
ليا غبت عن مجلاسهم جاك من يدعيك

عليها كسر قلبي مثل كسرة القزاز
لان العذر في بعض الاحوال مايعفيك

لدعوى آل عوضه كلهم اهل المركاز
ولابو محمد قالها صادق يغليك

عليهم سلام فاق وصفه في الاعجاز
سلام الوفاء اللي مايجي حوله التشكيك

وعذر(ن) يقدم كان يابومحمد جاز
فمثلك كريم ويقبل العذر من اخيك

ياشيخ العرب ماكل من قال فايز فاز
لكن انت فايز كل طيب لقيته فيك

ومن دور الاثبات ينظر في الانجاز
عسى اللاش فدوه ياعلي من تحت رجليك

اقوله ونا لاهل الوفاء دايما(ن) منحاز
ليا من غدا لك ذكر ولاحظر طاريك

حداني الزمان يلين ثالثني المعكاز
وبعض العرب لاشافني قالي وشفيك

يحسبون شلان العصا ضعف او استرزاز
وهي والله ان لاهيب هذي ولاهذيك

اشيل العصا و السيف ومحرزه باحراز
ولاعبت في يمناي مع ربعي البلجيك

ومثلك معنزني وشرواك لي معناز
يمينك يميني جعل ولد الردي يفديك

عوين الرفيق اليا غدى بين نار وقاز
وفعلك عن الاقوال يشهد لك و يكفيك

خواطر على قلبي لك اوردتها في اجاز
وباقي علومي لا لفت ترضيك

.. ..

والسلام عليكم ورحمة الله وبركاته

قصيده وتهنئه للأخ الكريم الشيخ الدكتور / عبدالرحمن بن صالح بن مقبول الشمراني بمناسبة زواجه الف مبروك
بسم الله الرحمن الرحيم



اتقدم بخالص التهنئه واجمل التبريكات الى اخي الشيخ والدكتور / عبدالرحمن بن صالح بن مقبول الشمراني بمناسبة زواجه .



و كان لي الشرف ان سمحت ظروفي بحضور هذه المناسبه وشاركت اخي ابوبلال بهذه القصيده



.. .. .. .. .. .. ..




.. القصيده ..




بسم من كون الكون وخلقنا وبث ارواحنا



ياسلامي سلام السنه اللي فطرنا الله عليها



ياسلامي على شمران ربعي ومن جانا ظيوف



والتحيه على دعوى آل مقبول تثنى بالميات



مركز(ن) في دمه للطيب والعلم صرح(ن) ماتهدم



رحمة الله على شيبانهم خلفوا طيب الرجال



مثل شيخ المعارف بوبلال انفتح للمدح بابه



عاش من صغر سنه في ظلال المعارف والعلوم



انخلق فيه طيب القول و الصدق والدين وسعاله



لين حقق طموحاته وحاز المراجل كلها



وآل مقبول في عيني مثيل الجبال الراسيات



مانقول الكلام الا على حق والدنيا شواهد



افتخر وامدح اخوالي ولا في قصور بالحضور



وانتوا اخوالكم وانسابكم من مراويس القبيله



آل مجبر حصون(ن) شامخه ثابت(ن) بنيانها



جينا في لازمك يابوبلال وعلينا حق واجب


واسعد ايامنا ميصال مثلك وشوف ربوعنا
واسعد ايامنا ميصال مثلك وشوف ربوعنا


.. .. .. .. .. ..

[ والسلام عليكم ورحمة الله وبركاته ]

قصيدة من عبدالرحمن بن جروان للأخ / عايض بن محمد بن غرم الله .. بالصوت ( مع دعائنا لأبومحمد بالشفاء )

قصيدة من عبدالرحمن بن جروان ( ابونايف ) للأخ / عايض بن محمد بن غرم الله بالصوت

مع دعائي لأبومحمد بالشفاء العاجل ( كما أرجوا ممن يسمعها ان يدعوا للأخ ابومحمد بالشفاء من المرض اللذي ألم به )

هذه القصيدة قيلت في مناسبة زواج الشيخ / محمد بن حسن الشمراني لابنه
وبمناسبة سماوته على الشيخ / مسفر بن عوضه

..

قبل لانبدا الكلام اقول يارحمن يارحيم
ياسلامي ياحماة الطارفه دعوى آل عامر(ن)
عزوتي شمران والتسليم من شمراني لشمراني
والقبايل من حظر في الحفل يبلغهم سلامنا
يامحمد علمكم غانم ودعوتكم لها مجيب
انت وافي في علومك والمواقف بين(ن) مبدآها
ونعم يابن حسني شورك وفي راسك وشيمتك
جوك صبيان آل حارث من غلاك ودعوتك مثنيه
في زواج وفي سماوه واختصرنا الشآن والعدد
قبلنا شيخان و رموز ال عوضه من بني حمدان
والسماوه عند مسفر قدرها يرقى على السحاب
وان بغيت امدح بني عمي خذيت اسماء من الجدان
مسفر الاول و هو ( شنبر ) حكيم وفارس الفرسان
ومسفر الثاني صليب الراس شوره رجح الميزان
ومسفر الثالث جمع طيب الجميع و رمز في شمران
والكـريم الحـاتـمي ابـومحمد قـس عـلـيه اخـوانه
شمسكم يا اولاد عوضه في سما شمران شارقه
ونحـن شـمران انتفاخـر فـي مـذاهبنا وطبعنا

........

ســلام يـاشمران ربعي ** واللي حظر من كل ناس
للخيل ميدان(ن) وربعي** لا صار راس(ن) ند راس

..

والسلام عليكم

بسم الله الرحمن الرحيم

هذه القصيده قيلت في مناسبة قيام شمران بالصلح بين قبيلة سبيع وقبيلة سنحان ال حيان من قحطان

..

يالله اني طالبك يالواحد المعبود يا رحمن
يا اله مالنا غيرك ولاندعي ولانرجي سواك
اجعلنا في موقف(ن) خيره يعم وينكفي عن شره
وملوك الخير تحضر شاهده في موقف الاخيار
الرجال تقابل الاقدار بالحكمه وبالايمان
ومن سبق خيره على شره فياحظه وشآنه عالي
عند رب البيت والاجواد ميقافه تقدره
يا بني عمي صلاب الروس ياساس العرب قحطان
وقفت الرجال منكم في لزوم القوم يعطي روحه
والشجاعه والكرم والطيب مذهبكم وطبعكم
اكرمتوا روس القبايل يوم جو في لازم السبعان
وجددتوا فعل المهادي والسبيعي مضرب الامثال
ونحن ياشمران واللي حاضرين من القبايل معنا
نرفع البيضا بيارقها لكم عود(ن) مع صبي
وانتوا يالسبعان شيمتكم في الموقف لها عنوان
مارضيتوا بالخطأ ووجيهكم تحمى خطى جاهلكم
تعرفون الحق وتمدون باليمنى و بالوفا
والدنيا هذي كفى الله شرها تغلب على الانسان
ان تساوى لابني آدم حالها لابد تشقي حالها
مرت(ن) يلقى حلاوتها ومرات(ن) مرورها
والحياة تدور والايام ماتضمن ولا تمن
والرجال عزومها تظهر مواقفها نهار الحاجه
والعوايد والسلوم الها رجال(ن) يحتمونها
هذا قولي واجتهادي باسم شمران العناصيه

.........

شمران يسعدهم قدوم الظيوف
يامرحبا لو كان جيتوا ولوف
قلوبنا و صدورنا واسعات
في مجلس الشيخ الكريم ابن عوضه
جات القبايل وانقضى شآنها

..

والسلام عليكم

بدع الشاعر / ابو شمبر

سلام يارجل(ن) قوي العزايم
................. بـالعزم يـتخطى كـبار الغرابيل
والوقت ماهو مالمقادير صايم
................ أحـيان يفطر بالرجال الحلاحيل
وأحيان فيه يحصلون الغنايم
............... وأحيان مكسبهم على سبق الخيل
والتجربه منها طريح(ن) وقايم
................ وبعد النظر يشفي القلوب المعاليل
لاصار وسط السوق بايع وسايم
................. أتـبع حكـيم الشـور كب المظالـيل
و أرزاق خلق الله تراها قسايم
................ مـاتعـترض فـيها هل القال والقيل
والكفو مثلك عن هل الشك زايم
................ يـفـداك مـن ينقـل بقـلبه غلاغـيل
و أنا لمطلاع المراقيب رايم
................. ألاعب الذكرى على مطلع سهيل
وجداه ياوقت الرخا والنعايم
................ مخصوص لهل الذوق واهل التعاليل
العالم اللي مالحقهم تهايم
................ ميـزانهـم وافـي و لايـطفح الـكــيل
تمت وجا للول غايص وعايم
.................. و أقـبل تحيـاتي بادق التـفـاصيل


*****************


رد الشاعر / ابونايف

يامرحبا و الود قايم و دايم
................ ويزيد لا جت من سعيد المراسيل
ملزوم مثل مصقلات الصرايم
................ في كف يمنى مايجي حولها الميل
والجو صافي وان غدا الجو غايم
................ لقـيت فـي دنـياي بـاب و مـداهـيل
وان قلت صايم قلت صايم وشايم
.................عن مـا يكدر مـن عـلوم المهـابيل
ناس(ن) تحوش من العلوم النمايم
................ حاشى الرجال اللي تقلط لها الحيل
اللي تلبس من جديد العمايم
................ مـاضيعـوا مـلبوسهـم و الدسـامـيل
و الواجبات الها علينا لزايم
................ و اليا زرعنا مـارجينا المحـاصيل
و الحر دايم في فضا الجو حايم
................ مـاهوب صيد لـمن يـشل الـدرابيل
وجدي على وقت(ن) مافيه الظلايم
................ عاشـوا بـه اللـي تبهجـك بالتهالـيـل
يفدونك اللي يرتضون الهزايم
................ عند الرفيق وفي المواقيف تضليل
رسمت بيت الشعر حسب القوايم
................ و لا بيني و بينك رموز و تحاليل

قصيدة اهداء الى الشيخ الكريم / محمد بن عايض بن بريك الشمراني بمناسبة زواج ابنه بندر
بسم الله الرحمن الرحيم

((قصيدة اهداء الى الشيخ/محمد بن عايض بن بريك الشمراني بمناسبة زواج ابنه بندر))



يـالله يـا خـالـقي لاحرمتـني فـي نهـار الـموجبـات


من قريب وصديق ومن رفيق(ن) يداري عن جنوبي


يـوم الأيـام تـحدى الــرجـل عـما يـحـب و يـمتـنـي


بـعـدها يـاسـلام الله سـلام الـوفـى اللــي مـايـمـوت


لآل حآرث لبـاس الجـنب وأرتـد فـي شمران كـفـه


اسـمـنـا يـقهـر الـظـالم ويـروي الكبـود الضامـيـه


و يـاسـلامي عـلى بيت الشـرف والشكاله والشيوخ


(آل مرزن) مثيـل البحر فـي هوله و جزره و مده


مـنـهـو اللـي يـقـوس البحر و الا يـزيح الماء منـه


وانـت يـالشيـخ ابـوبندر مثـيل الجبل ثـابت وراسي


قـبـلك ابـوك و الجـدان مـثـل الجـبـال الـراســيه


ياحسن بن بريك اشكي عليك المسافة و الظروف


وانت من بيت شيخان(ن) دعونا على حب وكرامه


وصل العـلم تكـفى مـن لسانـك الـى روس الرجـال


واعلم الشيخ ابـوبنـدر بتقديـرنا حـاضر و غـايـب


واخبـره بـإن له عـنـدي مـقام(ن) وله قـدر كبـيـر


والظروف ان حدتنا فالعوض فالرجال أبناء اخواني


الـرجـاجـيـل مـاتنسـى المـواجـيب و تـراقـبـلها

الـرجـاجــيـل مـاتنسـى المـواجـيب و تـراقبـلها


أخوك الشاعر / عبدالرحمن بن جروان الشمراني

قصيدة مهداه من الشاعر علي هادي الشمراني الى الشاعر عبد الرحمن بن جروان الشمراني
السلام عليكم ورحمة الله وبركاته

هذه قصيدة مهداه من الشاعر علي هادي الشمراني الى الشاعر عبد الرحمن بن جروان الشمراني

واتمنى لكم حسن الاستماع:

قصيده للشاعر بونايف والشاعر بن ظافر
قصيدة للشاعر بونايف والرد من الشاعربن ظافر
بصوت عايض بومحمد