ديوان قصائد لشعراء المملكة العربية السعودية (متجدد)☘️☘️

بسم الله الرحمن الرحيم

...

على الله ياقلب تراكتبه الأوجاع

يلوعه زمانه داخله حامي صالي

..

وهو قلب طير حرّ ماينهزم للقاع

يحب ايتعلى من على المرقب العالي

..

ولاياكل الا من مخاليبه ليا جاع

معوده من صغري على كل مدهالي

...

ماقصر معي واليوم معذور لوماطاع

يكفيه ماواجه من اهموم واهوالي

...

يابونايف اركد وادر قلبك على الاسناع

لاتتعب خفوق ماقصر باول وتالي

...

تجمل معك حتى مشيت الفجوج وساع

وجملت ولازلت والراس مامالي

...

ومابقي فيه من الحياه ابن له مرباع

مع كل طيّب يتبع القول الافعالي

...

ابيات من قصيده..

لكم تحياتي.. ابونايف

..

... حلم.. ليل...
في حلم ليل وداهمتني الكوابيس
وفزّيت من هوله ونا في منامي
....
مشيت في وادي صعيب التضاريس
فيه الأسود اللي تقض العظامي
....
وقمت اعتزي واقول وين الأشاويس
اللي تضد المعضلات الجسامي
....
راحوا وخلوني لحالي السناعيس
وانا اشهد انه طاح مني حزامي
....
ابونايف الشمراني

مطلع من ابيات/ والله ان قلبي على مدة الجزله قوي/ للأستاذ الشاعر ابو نايف����

مطلع من ابيات
...
والله ان قلبي على مدة الجزله قوي
حتى لومالت عليّه ظروف حايله
....
جعل مايلحق عليّ وقتي اللي ملتوي
دام راسي حي من فوق متني شايله
...
مايتعب خافقي غير لاجاني الخويّ
طالب.ن.له شي وظروف وقتي مايله
...
والمصيبه مطلبه عجل. صبحٍ. ن. وضحوي
ثم قفّى دون شفّه ولاني طايله
....
عبدالرحمن بن جروان الشمراني

مشاعر.. ورساله../ للشاعر عبد الرحمن بن جروان الشمراني (ابو نايف)����

مشاعر.. ورساله..

...

دورت وش بقي من شي بيننا واحتويه

الماضي وراح والباقي ضلال اشجره

....

من عافني عفته ورب البرى مارتجيه

اثر المثل صدق يخسر من يعاند مره

....

مانيب انا اللي يدور واحد مايبيه

روحي ونا اروح لامجبر ولامجبره

....

كل يداوي جروحه والزمن يحتريه

من ردّ عذر الكريم يجيه من يحقره

...
عبد الرحمن بن جروان

.... ابونايف....

اشكي على الله هم القلب وافراجه / للشاعر عبد الرحمن بن جروان الشمراني ( ابو نايف) 💔

اشكي على الله هم القلب وافراجه
تمكنت به مقاديره و عاثتبه
والشعر ماعادله في خافقي حاجه
قفت حلاوت سنين العمر واقفتبه
لقيت فالصمت طب القلب وعلاجه
الا مع طيب له فالوفا رتبه
هذا زمان دروبه شبه منعاجه
لاصفيلك طيب حذرا تفرطبه
كل يحسب ان درب الصح منهاجه
ويغالط الناس في قوله وفي دربه
مجالس ماتجمع غير هراجه
القى عن امجيها عذر اتعذربه
كم موقف زدت عن هقوته واحراجه
ولا كل علم يضايقنا نعلمبه
يكفيني اشوف وجه الكفو وابهاجه
والا قليل الروابع ماتلفتبه
عبد الرحمن بن جروان
أبو نايف

على الطيب اسند همومي واشاكي الحال / للشاعر عبد الرحمن بن جروان الشمراني (ابو نايف)����

على الطيب اسند همومي واشاكي الحال
و لا كل رجل نشتكيله ونعنا له
سوى عارفه تسبق فعوله على الاقوال
ونا أقدر اصحابي و كل على افعاله
و الايام دواره وتظربها الامثال
هذا تخلف احواله وهذاك تصفا له
ياكم مجتهد فيها نهاره مع الليال
تعاكس طموحاته ولا طيبت فاله
وكم واحد جتله على بارد الفنجال
وهو ماتعب وتحققت معظم آماله
ونا مقتنع باللي قسم ربنا واسال
كريم سجد عبده لوجهه و صلاله
يفرج هموم اللي حموله كبار ثقال
يطيح ويقوم ولو كبر حمله اشتاله
الشاعر / عبد الرحمن بن جروان الشمراني

هذه القصيدة مجاراه من الدكتور محمد ناصر البيشي
لقصيدة الشاعر عبد الرحمن بن جروان الشمراني
وشكرا له على مشاعره الطيبة

ماحد وصل في الدنيا الى مستوى الكمال

ولا فيه محروم من الخير ما جاء له

والاقدار بيد الله سبحانه المتعال

وهو مالك ن الدهر ومقدر احواله

وشكواك لله ما تشكيت لاهل المال

وهذا دليل ايمان واخلاق واصالة

وحن عزوتك تبشر بنا ياعريب الخال

ابو نايف الغالي وفي القلب منزاله

وعنز علينا لا تلفت يمين شمال

ترانا هل الفزعة وفيين صماله

وربي كريم يعدل الحال لا من مال
ياكم واحد جاه الفرج ما خطر باله

تجملت ما قصرت ياقدوة الاجيال
ويفداك مال يرثه. رجل لعياله

أجامل على جرحي وأقابل بوجه شرح
للشاعر عبد الرحمن بن جروان الشمراني

أعز الخوي واحب ربعي هل الناموس
للشاعر عبد الرحمن بن جروان الشمراني

مشاعر.. صادقه..

....

ياغايبه عن عيوني صورتك حاضره

اعيشها في خيالي كل ماجيت انام

....

طيفك يخيّم علي وارتاح واسامره

واعيش حلم حقيقي فيه عشق وغرام

....

ياللي ملكتي فؤادي اوّله واخره

تستاهلين الوفا والحب والاحترام

....

بيني وبينك مواثيق الوفا عامره

انتي عزيزه ونا والله عزيز المقام

...

ماني من اللي يده لامدّها قاصره

الفعل يكفيك مني عن كثير الكلام

...

أموت ولا رفيقي ينكسر خاطره

امّا اجتمعنا تفرقنا فراق الكرام

....

عبدالرحمن بن جروان الشمراني

ابونايف