ديوان قصائد لشعراء المملكة العربية السعودية (متجدد)☘️☘️

بوح ... الألم

اشهد ان الحزن سوابي في الدنيا السوايا

متعبني فالنهار ومسهرني فالليالي

..

قدرت الله والقدر يجري على كل البرايا

ونا والله صابر ومؤمن لكن الفقد غالي

....

كل مادرج داخل البيت اتلفت فالزوايا

واتخيل صورة اللي متعب قلبي وحالي

...

.... ابونايف....

اهداء لأخي الغالي والوافي

علي فايز الشمراني

.....

هواجيس تالي الليل عندي لها تفسير

لامنه سرح فكري بربعي وخلاني

...

وقمت اتساءل وش طرالي من التفكير

سوى الخوّه اللي للاجاويد تحداني

...

وسندتّها للي له الفعل والتقدير

لامنك زهمته قال حاضر وتلقاني

....

على الخاطر الطيب وحلاوة التعبير

وعلى سمّ وابشر فعل ماهوب بلساني

...

هذاك ابن فايز فالمواقيف والله غير

له اسمٍ كبير وعزوته قيف شمراني

...

يجمّل مواقفهم وهو فالمقام كبير

ويجمل الى وقف ويبني مع الباني

.....

له المدح يثنى ماعلى مدحتي تبرير

سوى الفخر بامثاله من اصحاب واخواني

.....

اخوك. عبدالرحمن بن جروان الشمراني

ابونايف

شرفني أبو نايف (عمي عبدالرحمن بن جروان) بمجاراة أبياتي

يا(صورة) و(عشر سنين) والذاكرة تنعاد

وكن الثواني والدقايق تناديني

وقمت آتأكد واحسب العمر والميلاد

وارحب بشيبٍ زارني من قبل حيني

أعيش بضميري قصة السجن والجلاد

وسوطه مع درب الملذات يكويني

لا صارت عيون الناس متلذذه برقاد

وقامت همومي تنثر الملح في عيني

أوضي وأقرب مصحفي وأفرش السجاد

وألبّي ندا ربٍ لرحمته يدعيني

عبدالله بن جروان

--------------------------

ياصوره..وتسع اشهور..والقلب فيه اجهاد

ونفس كسرها الحزن من جور مافيني

....

اجاريك ياعبدالله ولك ولي امجاد

انا طفت سن الشيب وانت متقفيني

...

تعال اسند اهمومك عليه ونا سداد

بعد قدرت الله دام مولاي محييني

...

مايلحق عليك الغبن مهما التعب يزداد

لانك وريث اللي بطيبه مربيني

...

وش اكليب في عيني وش الحارث بن عباد

لاوصفت ابوك افعاله تفوق الاثنيني

...

أبو نايف

خاطره

تمنيت الزمن يرجع بنا لايامنا الحلوه

انا مدري تغير وقتنا والا تغيرنا

.....

يجاذبني الحنين وذكريات بخاطري لازلت

احاول اقتنع بان الوفاء لاهل الوفا مامات

....

كذا الدنيا

...

ماتعطينا امانينا

ولابخلت ايادينا

.....

ويبقى المخلص المشتاق في حيره

متى يشعر بان الناس من حوله

تبادله المحبه والعطا ماينطفي نوره

.....

عبد الرحمن بن جروان الشمراني

ابو نايف

الأصدقاء للوجه مثل المرايات

صديق مزح وضحك وصديق حاجه

...

وصديق لاصكت عليك المهمات

يفزع وينفع ماتعقد حجاجه

...

ونا لي اصحاب. ن. كبار المقامات

تلقى معاهم فالظروف انفراجه

...

مثل ال عوضه. عز. ورجال وقفات

تفرح بهم يوم اللقا والمواجه

...

عبد الرحمن بن جروان الشمراني

رساله للشاعرا بوسامي من الشاعر ابونايف

بدع / ابونايف

يالي تجون ابن ظافر بلغوه السلام

سلام الاخوان والاحباب والاصدقا

ماهو سلام التزلف (لا) سلام الكرام

اللي تقدر مواقيفه بوضح النقا

قلوله اني عليه اسال شرقا وشام

وصدق النوايا شفيعه لي نهار اللقا

انا ادري ان الزمن ماتعب الا العضام

والناس فيهم قسات قلوب واهل التقا

لكن مهما حصل يبقالك الاحترام

ياشاعر القيف مالك عننا متقا

الرد

محمد بن ظافر الشمراني

إعداد مارفت أسراب القطا والحمام

حي الله اللي على متن السلام ارتقى

وشرفني أغلى شرف واهداني أرفع وسام

وأنساني اللي لقيته من عذاب وشقا

رغم إني اعتدت حمل المعضلات الجسام

وخيبـت ســود الظنون وهقوة إللي هقا

وأقول شكراً يابو نايف على الإهتمام

وإلك البقا والسلامه ياطويل البقا

وإن كان عنواني أكبر من جبال السنام

وأقرب من أبها على من يسكنون السقا

وشمس الضحى ماتغطيها خيوط الظـلام

واسهيل لاغابت أنوار النجوم أشرقا

ألم..

على الله يانفسي لماقلت هودت

عن الحزن غاصتبه إلى داخل اعماقي

وقام يتبعثر في زوايا خفوقها

مثل مايبعثر طالب العلم الاوراقي

وعاودني الهم وجفا عيني الكرى

سهير على كوعي إلى وقت الاشراقي

افكر في الدنيا وروعات وقتها

وأفكر في اللي راح واللي بعدباقي

عبد الرحمن بن جروان الشمراني
(ابو نايف)

ابيات من قصيده..

يافوح قلبي على فرقاك فوح الدلال

لما تقربله رجل كريم ...اجودي

..

فنجالها لابرد مامدبه للرجال

يركي عليه من الجمر الحمر موقدي

.

ماكنها الا على قلبي وكبدي تصال

واقوم من حرها وافز من مرقدي

..

بوح

البارحه هم قلبي نشف الريق

لولا الحياء قلت هاتي ياعيوني

يقلون وقت الصديق الى حصل ضيق

ونا تضايقت واصحابي نسوني

ولاقولها نقص في حق المطاليق

ولانيب ممن على اصحابه يهوني

لاشك ذكرتلي بعض المخاليق

والى ذكرته تهيظني شجوني

واون ماهوب حب للطواريق

لكن تطري علي بعض الظنوني

حفظكم الله...
أبو نايف

الشاعر والمنشد عايض بن محمد الشمراني في حفل زواج الاستاذ

راجح عبدالرحمن ال جروان الشمراني