فوق هام السحب ( الشعر الشعبي) على متن القوافي

‏الكتآبة تفضح إحسآس السكوت
السكوت : شعـور غربة وإغتراب

المفارق : كسرةٍ من دون : صوت
التمنّي : مرحلة بعد السرآب


.......

‏اليوم لا عاد تستغرب ولا حاجه
لو بار فيك الخوي الصادق الخيّر

كم واحدٍ غيّرت الايام منهاجه
وانا احسب إن الكفو ماهو بمتغيّر



......

‏اسلم وسلم وخذ من شعوري ما تبيه
ما بقى بسماء المعايير شمس ولا قمر

ودي اني ما اخسرك بس يالله ما عليه
خاسر قبل اخسرك هقوه وفرصة عمر



.......

‏الود نعمة والتواصل براهين
واجب تواصل كل شخصٍ تودّه

وان كان في الزحمة تضيع العناوين
يا طير : خذ مني سلامي و ودّه


.......

‏دام الفعايل هرج كب المشاريه
فنجال مدحگ لا تسوقه علينا

الطيب حنا مانقوله نسويه
افواهنا الله حطها في يدينا

.......

‏عزت علي نفسي وأنا أطلب وصالك
أسكت ولو ماني على الوضع راضي

لاصرت تنساني بـوقت إنشغالك
مابيك تذكرني إذا صرت فاضي

.......

من بـاع وصّـال الـود بعنا ديـاره
لابارك الله بشوفة النفس والتغلي

إن جيتني بالطيب ولو حتى زيارة
جيتك انا بالوفاء قاصد ومتعني

.......

يالله ياللي تغسل الأرض بالسيل
اغسل قلوب أهل الحسد من حسدها


بارك لنا بالمد والصاع والكيل
ونفوسنا عطها القناعة وزدها


.......

‏لا تعجّل خذ الدنيا على مهلك
‏كان تبغى مع الايام تتعلم

‏ماتجيك المشاكل غير من جهلك
‏من تعلم عرف وشلون يتكلم

‏لاتجـاوب سـؤالٍ ماتوجه لك
‏ولاتعاتب غريبٍ مر ماسلّم

‏خل شرهتك وميانتك عند اهلك
‏عند الاغـراب لاتشره وتتظلم


‏عبدالله الطلحي

‏ِ
‏صبرك على الدنيا ولوكنت مهموم
‏كثـــر الزعل ما جاب للنفس راحة

‏تزعل وترضى والقـدر شي محتوم
‏والعبـــد يلقـــى بالتــوكل فلاحه

‏والله كتب للخلق ما كان مقسوم
‏ما ضاقت الدنيـــا وفيها مساحة

‏سامح وبايح واترك الحقد واللوم
‏خلك كريم وفيك عفوا وسماحة

.......