ديوان قصائد لشعراء المملكة العربية السعودية (متجدد)☘️☘️

قصة واقعيه
الشاعر عبدالرحمن الصخيف الشمراني .
.يسكن ببيشه ويبلغ من العمر مايقارب 130سنه..
ولازال على قيد الحياه وله قصايد لها نكهة خاصه ..
حكي لي هذه القصه والقصيدة..
يقول..
ذهب الى قرية من قرى بيشه ليخطب بنت متعلمه وشاعره ..
واسمعها قصيدته ليخطبها وكان عمره في ذلك الوقت 72سنه .
يقول .
يابنت ودي بك ولو كان
ساعه.
نمشي على السنه ولا نتبع
العيب.
واسكن معك في غرفة في
رفاعه.
مفروشها زل العجم
والمضاريب.
واجلس معك واخدمك سمع
وطاعه.
مااغادر الغرفه ولا اظهر
ولااغيب..
عساني القى عند شوفك
شفاعه.
اما كلام حلو ولا
تراحيب.

فردت عليه بهذه الابيات.
ليتك تجي الدكتور واهل
الاشاعه.
ويعلمونك ويش عندك من
العيب.
العود مايرجع لسن
الرضاعه.
ولا عاد يصلح للبنات
الرعابيب.
شفي غلام من شباب
الجماعه .
شوفه يسليني ويعطي
المواجيب.
ماهوبعود شوف شيبه
مراعه.
يالله دخيلك من عشيربه
الشيب.

فاستأذنهم ولم يشرب قهوته وغادر منزلهم وهو زعلان.
..
وعند سماعي لقصته كتبت هذه الابيات واسمعته اياها.

يابن صخيف خل عندك
قناعه.
ماعادلك قدره طلوع
المراقيب.
لوسربوا علمك لبث
الاذاعه.
ثم ينشدونك قهر ماتعرف
تجيب.
رزق ميسر خيرن من
المجاعه.
ماكل بيرن صالحه
للمشاريب.
لما وردت السوق عس
البضاعه.
من قبل ماتخرج فلوسك من
الجيب.
والبر آمن خالي من
السباعه.
حتى الغنم ماعاد تجفل من
الذيب


فلما سمع قصيدتي قال هذه مثل الغطاء للقدر ..
واعجب بها..
صالح أبو غريب

معاناتي مع القنصليه في اثيوبيا
البلاغ عن فقد الجواز..
ياسفير المملكه حقك علينا.
واعترافي بالخطامافيه عيب.
وانت ماقصرت ماسك في يدينا.
والعتب مقبول لاجا من لبيب.
قصتي صعبه من الحسره بكينا.
جالس في غرفتي وحدي كئيب.
تابعتني البهذله والحزن فينا.
لين جاني الوهم وانقذني الطبيب.
جيت ياعيد الفرح واناحزينا.
والمعاناه الوحيشه ماتغيب.
رحلتي راحت وصار الشك فينا.
واتضح مالي في الراحه نصيب.
الشقا والقهر ماجاني سنينا.
لين جيت اثيوبيافيهاغريب.
من نخا الابطال يلقى له معينا.
من نخاهم حتم ماظني يخيب.
نعتزي بالكفولا منا بلينا.
مثلك وشرواك يالقرم الاديب.
مالي الا الله يفرجها علينا.
اطلب المعبود لدعائي يجيب.
واطلب الله ربنا يحسن الينا.
حسبي الله ربنا نعم الحسيب.
في النهايه لامركم حن محترينا.
واقبل تحيات صالح بوغريب.
صالح أبو غريب

تابع امعاناتي باثيوبيا
يسالوني الناس وين انت
ياصالح.
واخفي اوضاعي عن اشخاص
فضاحه.
رحت من عند الشقا للعنا
رايح.
ذقت طعم المر والحزن
واشباحه.
ليتني مارحت لاثيوبيا
سايح.
قلت باريح ولا جتني
الراحه.
كن يوم العيد في اثيوبيا
نايح.
منحرم من نشوة العيد
وافراحه.
كل يوم بغربتي سامع
صايح.
اتبع الصيحات واطلع في
الساحه.
ياعسى القى علم ولااخذ
نصايح.
واتبيشر من لقى ناس
فلاحه.
وانهدم ضلع على حظي
الطايح.
حظي المعثورمزعجني
صياحه.
كن فيه اعصار واغبار
مجتايح.
صرت مثل الطير لانصاب
بجناحه.
قمت اهدي البهذله ريحها
فايح.
والهموم ازرت على القلب
مجتاحه.
وانتفضت من البلا رجفة
الرايح.
والبلا هدف على الجسم
برماحه.
واستمر الهم ماني بله
زايح
وانتهى المشوارفيه
الى الباحه.

صالح أبو غريب

لاتناصح بالتعصب
عش في الدنيا ترا فيها
العجايب.
واعتبر منها ولاتهنا
المنامي.
دعوتك وقت السحر بترد
غايب.
وركعتينك في الضحى هي والقيامي.
تجعلك محبوب خالي من
العطايب.
دعوتك تقبل وتصبح
فوق سامي.
يالله اني قاصدك يارب
تايب.
واجعل خير اعمالناحسن
الختامي.
ويالهي هون علينا
المصايب.
واكفنا فاهل الفتن في كل
عامي.
واهدنا للحق وامحق كل
خايب.
واجعل ايام العمر خير
وسلامي.
واحمنا من كل شر وكل
هايب.
وان تديم الامن يامنشي
الغمامي.
وان تسهل رزق من يعطي
الوهايب.
والطف بحال العرب فرد
ولامي.
والخطا لو جاك عنوه من
القرايب.
فاعتبرها رمية من غير
رامي.
وان جرحك اللي جهل فادمح
وسايب.
جهله يكفيه لو صلى
وصامي.
واحذر الهماز يحملك
الضرايب.
لايلبسك الخطا مالك
مرامي.
واحذر الاحمق يحطك في
نشايب.
ابتعد عن صحبته قبل
العدامي.
وانتبه سرك يجي بيض
الترايب.
ينشرون السر مع ذكر
الاسامي.
والحسود ابعدعنه بعد
السحايب.
لايصيبك من عيونه
بالسهامي.
واسفه النمام لاتجعله
نايب.
انصحه باللين وبكل
احترامي.
ولا تشهر بالمسيء ان كان
عايب.
ولا تناصح بالتعصب
والخصامي.
احفظ ايمانك وقدر كل
شايب.
حاول تصدق و تسقي
كل ظامي.
بوغريب يقول ياراعي
الركايب.
اعفها من لا تطيقه
ياغلامي.
قبل لاتوضع على قبري
النصايب.
يالله احسن موتتي وارفع
مقامي.


صالح أبو غريب

الطير يعشق أم لا يعشق
بسم الله الرحمن الرحيم
إخوتي وأخواتي الكرام ..
أسعد الله أوقاتكم بالمسرات وبعد.
عندما كنت في طلعة برية في إحدى المنتزهات الجنوبية
إستهواني تغريد أحد الطيور الجميلة . والّذي بختص بعدة ألوان
جذّابه مما جعلني أتابع نشاطه..ومن ثم أحببت أن أحادثه بهذا النص,,,,



ياطير ياللي في الحدايق تعلّــــــيـــــت
اسمــع تغاريدك ولحنــك دعانــــــــــــي



ابنشــدك يــاطير لو كان حبيـــــــــــت
الله درى حبّيــت لــكْ طيــر ثـــــــانــــي




شفتــك معرّض من علــى الغصــن مريـت
مــا تلتفت فــيّــه دهـمْـك الجـــنـــانـــــــي




دالــهْ عرفــت انّــك مـــن العشــق ماوحيـت
مشغــول فكــرك مانتبهــت لمكـــانــــــــــي




يــاليتني اترجمْكْ وافْهـــمْكْ يــــاليـــــــــت
وآكــون أبيّـــن لـــكْ كثيــــــــر المعـــانــي




واكون اترجــم لـــكْ طعـــون التــنـاهيــت
واشوف عشـــق الطيــر فيــه الحــنــانـــي




نتبـــادل الونّـــات قبــل التواقيــــــــــــت
قلّــــي مواجــعْ مــــاتحسّـــه عيــــانــــي




وانا بقولـكْ مــا لقيتــه ومــــاريــــــــــت
لقيـــت نـــار الحـــب تحرق كيـــانــــــي




ويكون ياطيــر السّعـــد لـــي تعــزويــت
ووضّحــتْ لــي مافيــكْ عـــدّ ة ثوانـــــي




واكتــب معــاناتك واخـــاويك لاقفيْــــت
نكشف عميــــق الحــبّ هــل فيــــه أمانـي




وتكون تفهمنـــي مــن الــيدّ لاوميْــــــــت
تفقـــهْ كـــلامي كيــفْ من الحــب اعـانــي




وتقول لــي يابو غريب ارجـــعْ البيـــــت
كنّــك تــنادينــي بعظمـــةْ لســـــانـــــــــي.
صالح أبو غريب

العسل منطوقها
الهنوف العابره شفتها فوق الذلول..
العصا في يدها والمـــــظله فوقها..

راكبه متبختره كنها ريس عجول..
كامله في وصفها والعسل منطوقها.

كن في وجناتها ورد من حوله غيول..
مثلها ماريت مثل القــــمر بشروقها..

تسحر العشاق واهل الموسيقه والطبول..
ماينافسها في الـــكون احد في سوقها..

ليتها تسمح وتامر على كل العدول..
تحتكر زين الخلايق وترعى نوقها..

الله اكبر من نظرها يحب اهل الخيول ..
من شموخ الخيل تاخذ جميع حقوقها..

مشيها فوق الثرا مثل حدار السيول...
حين يحدر من شعيب على غرنوقها..

فوق سطح الارض متمكنه عرض وطول..
مايعادلها مره كـــــــــــلها ياذوقـــــــها..

تمتلك بيتين ياليت تســــــــمح بالدخول..
في الحضاره فلةٍ والبـــــــــداوه شوقها..

مابيعجبها العجب حامله حلم البــــطول..
الله اعلم كيف تسلك مع مـــــــعشوقها..

بوغريب اشتاق للبر وصيود الوعـــــول
شوفة الخلفات لا شـــــفتها بــــربوقها
صالح أبو غريب

ماانهيت المهمه ياوجودي وجد طفل ماتت
امه .
كلما شالوه زود في
صياحه.
ثم مات ابوه واتولاه
عمه.
يضربه بالسوط لين ادمى
جراحه.
سبة اللي زودت في القلب
همه.
سافرت برا الوطن قصد
السياحه.
روحت عني ولاانهيت
المهمه.
رمشهاالقاتل رمى صوبي
رماحه.
ياهني اللي على صدره
يضمه.
بالحلال يكون لي واعلن
نكاحه.
واركز اعلام الهوى في كل
قمه.
وانتظر طير الهوى يصفق
جناحه .
والنسيم ان هب من صوبه
نشمه.
ريحته مسك تجي في كل
ساحه.
اه ياقلبي يعاني من
يلمه.
من يضمد جرح متكون
نجاحه.
مثل لدغ الهايش اللي دفق
سمه.
ثم روح للخباره في
مراحه.
بوغريب يقول ياراعي
المذمه.
اترك اهل العشق تمشي
في براحه.
والخلل لاما حصل حاول
تدمه
والشقا بعدالتعب مافيه
راحه


صالح أبو غريب

يرتوي الظامي
ياصباح الخير ياقرة
عيوني.
انت سلوة خاطري واعظم
احلامي.
الله يصبحك بالخير
مليوني.
والله يطول بعمرك مية
عامي.
مابتهدا النفس من غير
مضنوني.
غيبته عني مثل حكم
الاعدامي.
كيف امني النفس وداري
ظنوني.
وكيف اماشي الوضع يامصدر
الهامي.
كل من هو لامني
مايهموني.
ايه احبه بالعلن والهدف
سامي.
بين خلق الله مشرق
ومزيوني.
ماخلق مثله في الشرق
والشامي.
اه ياشوقي على شدة
ضعوني.
صوبه اتوجه بسرعه ولا
انلامي.
ليت له مسكن في الحي من
دوني.
كنت انا مسرور مع باقي
ايامي.
بوغريب انهد حيله
ومحزوني.
يرقب ايامه عسى يرتوي
الظامي.
صالح أبو غريب

الرجل المبجل
احترم نفسك وتلقى كل من حولك
يحبك.
وان نويت بخيرفعله بعدبكره
لاتأجل.
واجعل البسمه دفاعك للذي حاول
يسبك.
والاشاده ماتزين الا على الرجل
المبجل.
وان دعاك اللي تعزه فاستجب ولااعط
نبك.
وان حضرت الق المواعظ في معانيها
ترجل.
وان لقيت الكفو جنبك في طريقك
والتصق بك.
اجعله جنب اوحزامك فان مثله
مايخجل.
واحترامك للبشر ترفع مقامك في
مصبك.
في ردودك حاول انك لوزعلت فلا
تعجل.
واحتسبها عند ربك لوحصل واحد
لعبك.
سامحه واعطه مساحه لين يلقاله
منجل.
والصله لمحارمك لك مكرمه من عند
ربك.
كل خير تعمله يحسب عليك ولك
يسجل.
بوغريب يقول ياراعي المواقف في
مهبك.
انت تبقى للمواقف رجل وافي
مايدجل.
والذي ماخذ مكانك حتى لو حوط
وشبك.
اعطه الفرصه وحاول تقنعه وان كان
حجل.
صالح أبو غريب

يالله في مهلــه وفي عــمرٍ مــــديد


يارفيــع العـــرش يامحيي النـــوى




رحمـة الله واسعه كــل العــبـيــــــد


يالله ان ترحم جميــع اللـي غـــوى




ليت وانّــه عايـشٍ عـــوده سعيـــد


كان من شعــري عطـيتــه وارتـوى




بوغريب يقول ذالمطــرب فــــريــد


في مجــال الفــنّ رايــد أولـــــــــــوا




في زمــانه كان جمهوره عـــديـــــد


يرقبـونه كــلّ مـــاطــلّ وظـــــــــــوى




صوته ولحنــه لـه الميـــزه أكــــيـــد


كـــــل جــرحٍ طــاب من فــنــّــه دوا




من سمـع صوتـه يعيــده مـن جــديد


اغنياته تنعش طـــروق الهـــــــــــوى




انظر ان الفـنّ مـن بعـده شهيــــــــــد


انتقل وياه في الحفـــره ســـــــــــــوا




صالح ابو غريب